Բաժանորդագրվեք մեզ՝ [ Ссылка ]
#Գումի_շուկա #5tv
Երևանի Գումի շուկայում այսօր ընդհարումներ են եղել կարմիր բերետավորների և մսավաճառների միջև: Դրությունը լարվել է, երբ իրավապահները սկսել են առգրավել այն մսերը, որոնք սպանդանոցային մորթի մասին փաստաթղթեր չեն ունեցել: Մի մսավաճառ անգամ սպառնացել է ինքնահրկիզվել: Մեկ ուրիշի ինքնազգացողությունն է վատացել: Մի քանի մսավաճառի տարել են ոստիկանություն: Ըստ ոստիկանության՝ 8 մարդ է ձերբակալվել: Առգրավվել է մոտ 1 տոննա միս, որը, ըստ պաշտոնական հավաստիացման, ենթակա է ոչնչացման: Սննդամթերքի անվտանգության տեսչական մարմնի աշխատակիցներն այսօր ոստիկանների ուղեկցությամբ էին գնացել՝ մսի կրպակներում ստուգումներ անցկացնելու: Մսավաճառները ասել են, թե ամբողջ տարին որևէ ստուգող չի այցելում իրենց և միայն Ամանորի շեմին են գալիս՝ իրենց զրկելու օրվա հաց վաստակելու հնարավորությունից: Ըստ նրանց՝ սպանդանոցային մորթի փաստաթղթեր են պահանջում, սակայն իրենց բնակավայրերում սպանդանոցներ չկան:
