Cchiù luntana me staje, cchiù vicino te sento
chi sa a cchistu momento tu a ca piense, che faje?
Tu m'he mise dint'e vvene, 'nu veleno ca è ddoce
nun me pesa 'sta croce, ca je trascino pe' tte

Te voglio, te penso, te chiammo
te veco, te sento, te sonno
è 'n'anno, ce piense ca è 'n'anno
ca 'st'uocchie nun p'onno cchiù pace truvà?

E cammino e cammino, ma nun saccio a ddo' vaco
je so' sempe 'mbriaco, e nun bevo maje vino
Aggio fatto 'nu voto 'a Madonna d'a neve
si me passa 'sta freva, oro e perle Le do.

свернуть