"Жол бер де-өміріңді сақта!" Бүгін осындай атаумен жедел жәрдем қызметкерлері мен құқық қорғау органдары акция ұйымдастырды. Мақсаты - адам өміріне араша түсуге асыққан ақ халаттылардың жолын кес-кестеп, кедергі жасайтын көлік иелерін жауапкершілікке тарту. Жедел-жәрдем көлігі шақырылған жерге 15 минутта жетуі керек. Бірақ, олардың 1 сағатқа дейін кешігіп, адам өмірін сақтауға мүмкіндіктері болмай жатады. Жол кептелісі мен жүргізушілердің жол бермеуі ауырған адамның өміріне зиянын тигізуі мүмкін. Сол себепті жедел жәрдем көлігін тізгіндеген жүргізушілерге де жол ережесін бұзуға тура келеді. Жаңа заңға сәйкес жедел-жәрдем көлігі науқастың жағдайы қандай деңгейде болса да, дабыл сигналын қосуы тиіс. Бұл ретте жүргізушілер жол беруге міндетті. Бүгін жол бермейтін жүргізушілерді анықтау мақсатында жедел-жәрдем мен полиция көліктері қала көшелерін аралауға шықты. Артындағы келе жатқан жедел-жәрдем көлігін байқамаған, дабыл сигналын естімеген жүргізушілер бірден кездесті. Полиция қызметкерлері оларды тоқтатып, заңға сәйкес шаралар қолданды. Рейд барысында 5 көлік жүргізушісі жол ережесін бұзды. Оның біреуі зейнеткер. Оған тәртіп сақшылары заңдағы өзгерістерді, жолдағы жауапкершілікті түсіндірді. ьКөлік жүргізушілері арнайы мақсаттағы техникалардың діттеген жерге уақытында жетуі үшін жолдағы қозғалыстың маңызды екенін түсінуі керек. Жол беру арқылы бір адамның өмірін сақтап қалуға болатынын ұмытпаған жөн. Сақшылардың айтуынша, егер жүргізушілер арнайы көліктер дабылын қосып келе жатқан жағдайда қозғалысқа кедергі келтірсе, 7 айлық есептік көрсеткіш мөлшерінде айыппұл төлейді.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
