تاشيرة دولة اليابان 🇯🇵 2022

اخيرااا اليابان فتحت من اسبوع بعد اغلاق عامين بس طبعا كنت مستني البوست عشان اشوف التحديثات بتاعت التقديم وبظبط تم تقديم اول ملف وكان لازم انزل بوست بالشرح

معلومة بس تاشيرة اليابان المالتي كمان ممكن تستخدمها انك تدخل بيها المكسيك لو حبيت عشان ناس كتير مش عارفه

اولا المعاد بتاع اليابان بيتاخد علي اللينك ده مجانا
[ Ссылка ]

وهتلاقي مواعيد متاحه عادي جدا ولو حبيت تكنسل بتبعت ايمل للسفارة دي طريقه المواعيد خلينا نشوف الورق الي هتحضره عشان تطلع التاشيرة

الاوراق المطلوبة لتاشيره اليابان

١- جواز السفر يكون صالح علي الاقل ٦ شهور وصوره شخصيه خلفيه بيضاء مقاس صوره الباسبور

٢- هتملاء الابلكيشن التقديم بالانجليزي وهتلاقيه في اللينك ده
[ Ссылка ]

٣- كشف حساب بنكي اخر ٦ شهور بالانجليزي

٤- خطاب HR من العمل او سجل تجاري وبطاقة ضريبة لأصحاب الشركات او اثبات قيد للطلاب بالانجليزي عادي

٥- حجز فندق وطيران مبدأي بمده السفر الي هتسفرها

٦- لو هتسافر معاك عائلتك هتقدم شهادة الزواج وشهادات ميلاد الاولاد

هي دي كل الطلبات الاوراق كلها بالانجليزي عادي ولو حبيت تترجم ياباني مفيش مشاكل عادي برضه
تمن التاشيرة السنجل ٤٤٠ جنيه مصري
والمالتي المتعددة ٨٧٠ جنيه

السفارة معاملتها محترمة جدا مواعيد من ٩ صباحا الي ٢ ظهرا من الاحد الي الخميس

الباسبور بيقعد من ١٤ الي شهر في السفارة

свернуть