Një aksident i rëndë ka ndodhur mëngjesin e sotëm në fshatin Fermë Çlirim të Fierit, në afërsi të një karburanti. Një 16 vjeçar, ka humbur jetën në vend, pasi u godit nga një mjet.
Sipas burimeve policore, 16 vjeçari ka qenë duke udhëtuar me motor, së bashku me mamanë e tij, kur është përplasur për vdekje në njërin anë të trotuarit të rrugës Fier – Fermë Çlirim nga një automjet tip fuoristradë.
Ndërkohë gruaja e cila ishte së bashku me djalin e saj në motor, është në gjendje kritike për jetën në spitalin e Fierit.
Në vendngjarje ndodhet grupi hetimor i cili po punon për zbardhjen e ngjarjes./ABC News Albania 24/7
