İlham Əliyevlə İbrahim Rəisinin Astanada mübahisə etdiyi bildirilir. Bundan sonra İran Azərbaycan sərhədinə 1 həftədən çoxdur əlavə hərbi qüvvələr cəmləyib. 18 oktyabrdan isə böyük təlimlər başlayıb. Bəs əslində nə baş verir?
Livanın “kataeb.org” saytı yazır ki, Əliyev İranı Ermənistana dəstəkdə, Rəisi isə Azərbaycanı “sionistlər”ə tabe olmaqda ittiham edib. Nəşr yazıb ki, Mübahisə Əliyevin İran qüvvələrinin Azərbaycanla sərhəddə cəmləşməsini tənqid etməsindən və bunu Bakının təhlükəsizliyinə təhdid adlandırmasından sonra yaranıb. Rəisi qüvvələrin əraziyə əyləncə və ya təlim üçün deyil, təhlükəsizlik və sabitliyin yaradılması, İranla Ermənistan arasında sərhədin dəyişdirilməsi və ya kəsilməsinə yönəlmiş istənilən plana qarşı mübarizə üçün göndərildiyini bildirib. Əliyev isə buna kəskin reaksiya verib. Əliyev Rəisini Azərbaycanla qarşıdurma yaratmaq üçün Ermənistanı silahlandırmaqda və hərbi yardım göstərməkdə ittiham edib. Rəisi bu ittihamları təkzib edərək Əliyevi “sionistlər”ə tabe olmaqda ittiham edib. İran dövlət başçısı İsrail müdafiə nazirinin Bakıya səfərini də tənqid edib.
Xudafərin körpüsünə Azərbaycan bayrağının taxıldığının ikinci ildönümü günündə təlimlərin bir hissəsini məhz həmin sərhəd ərazisində keçirilir. SEPAH bir az da dərinə gedərək, Xudafərin körpüsünün fonunda Azərbaycana təhdid olan videoçarx hazırlayıb.
Bundan başqa, iranlı jurnalistlər bu təlimlərin Azərbaycana bir xəbərdarlıq olduğunu bəyan edirlər.
Təlimlərin bir qismi ordunun çayı keçmək üçün ponton körpülərin tikilməsinə həsr edilib. Çayın digər sahilinin Azərbaycan olduğunu nəzərə alsaq, təlimlərin məqsədinin çayı keçib, ölkə ərazisinə daxil olma planlarının mövcudluğunu təxmin etmək olar.
Mövzuya münasibət bildirən politoloq Zərdüşt Əlizadənin sözlərinə görə, rəsmi Bakı da anlayır ki, Tehran hər hansı güc tətbiq etsə, başı çox ağrıyar, ona görə də Azərbaycan İranın bu hərəkətlərinə çox etinasız yanaşır.
Sitat: İran hazırda elə bir vəziyyətdədir ki, ona özünü çox ehtiyatlı aparmağın lazım olduğunu bilir. Bir çox qüvvə İrana “diş qıcayır” və bu rejimdən “zəncir çeynəyir”. Ona görə də İran İslam Respublikası özünü ehtiyatlı aparmalıdır.
Kanala abunə ol - [ Ссылка ]
Bizə maddi dəstək ol [ Ссылка ]
WebSite: [ Ссылка ]
Facebook: [ Ссылка ]
Twitter: [ Ссылка ]
Google+ [ Ссылка ]
İnstagram: [ Ссылка ]
__________________________________________________________________
Xəbərdən çox xəbər var. Çəkin göndərin yayımlayaq - Whatsapp : +4915777662277
