Lajme Arkiva - TV Klan 2004
Ndërsa kryeministri Fatos Nano ka bërë disa inaugurime të reja në Durrës, ish-rivali i tij politik brenda partisë Ilir Meta mori pjesë në konferencën e parë të Lëvizjes Rinore për Integrim në qytetin bregdetar.
Në një takim me të rinj durrsakë të LSI, Meta sulmoi ashpër qeverinë. Me anë të projektbuxhetit dhe paketës fiskale 2005, qeveria mbron interesat e monopoleve dhe jo ato të shoqërisë, tha Meta.
Ilir Meta: “Projektbuxheti i paraqitur është ndërtuar mbi bazën e dështimeve të pritshme dhe të dukshme të kësaj qeverie, të cilat kërkohen të legjitimohen paraprakisht nëpërmjet këtij projektbuxheti. Dokumenti i paraqitur nga qeveria për vitn 2005, për buxhetin vitit të ardhshëm është treguesi më i qartë, se kjo qeveri mbron vetëm interesat e ekonomisë informale. Mbron vetëm interesat e monopolistëve, të cilët e kanë mbërthyer atë dhe gjithë institucionet e shtetit dhe nuk mbron aspak interesat e qytetarëve shqiptarë të taksapaguesve shqiptarë, të rinisë shqiptare, të pensionistëve shqiptarë, të mësuesve, të mjekëve etj.”
Megjithatë u shpreh Meta ne nuk kemi dëshirë të votojmë kundër projektbuxhetit në parlament, por lidhur me të do të bëjmë propozimet tona. Kryetari i LSI bëri të qartë gjithashtu se partia e tij nuk do të jetë pjesë e koalicioneve pas zgjedhore.
Ilir Meta: “Duke uruar njëherë njeriun e mirë Agasi, për poezinë e tij më të bukur që ka shkruar në jetën e tij, për xhaketat e vjetra, të cilën ne e kemi botuar në gazetën tonë “Integrimi” me shumë respekt edhe mirësjellje, dua t’i heq një shqetësim, nuk i ka kërkuar kush koalicion pas zgjedhjeve, pasi LSI me këtë mbështetje që po gjen në të gjithë Shqipërinë, nuk do të ketë nevojë të bëjë koalicion me monopolistët dhe përfaqësuesit e tyre.”/tvklan.al
Gazetare: Danjela Kostandini
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
