Գևորգյան հոգևոր ճեմարանը տոնախմբեց ծննդյան 144-րդ տարեդարձը: Տոնական պատարագի ավարտից հետո ճեմարանականների թափորն ուղղվեց դեպի մայր տաճար, խնկարկեցին Գևորգ Չորրորդ կաթողիկոսի հիշատակը: Այս հայրապետի տեսլականով 144 տարի առաջ սեպտեմբերին բացվել է Հայաստանի հնագույն բուհը: Այնուհետև տոնական միջոցառման ժամանակ այս տարվա շրջանավարտներին հանձնվեցին բակալավրի և մագիստրոսի միասնական դիպլոմները: Սուրբ Գևորգ Զորավարի տոնի և դիպլոմների հանձնման կապակցությամբ համերգ էր պատրաստել ճեմարանի երգչախումբը: Համերգի որոշ կատարումներ առաջին անգամ էին հնչում: Դրանք Գևորգ Վեցերերոդ Չորեքչյան կաթողիկոսի մի քանի մշակումներ էին՝ դաշնամուրի ևերգչախմբի համար:
