Lajme Arkiva 2004
Grevë pa afat duke filluar nga e hëna deri në plotësimin e kërkesave të pedagogëve. Pas tri ditëve pezullim të mësimit, komisioni ndëruniversitar ka vendosur t’i qëndrojë deri në fund kërkesave për reformë të plotë në arsim. Kërkesa për shtim page renditet si nevojë jetese, por dhe për të frenuar dukurinë e largimit të porfesorëve të aftë nga fakultetet. Ministria, sipas tyre, nuk ka shprehur vullnet për plotësimin e kërkesave.
“Komisioni ndëruniversitar i grevës konstaton se reagimi ndaj kërkesave të pedagogëve nga ana e përfqësuesve të Ministrisë së arsimit dhe shkencës është, jo vetëm provokues, por njëkohësisht demostron mungesë etike dhe mediokritet.”
“Për pagesat ju lutem vlerësoni sa mund të gjykoni edhe ju! Pagesa e një ore të punës së një supereksperti që thirret pranë nesh për të ndihmuar përgatitjen e studentëve e dini me çfarë krahasohet një orë e tij e punës, është baraz me çerek ore të punës së berberit dhe me 5 minuta të punës së një parukieri pa bërë fare krahasim me shkollat private të cilat e kapërcejnë me herë.”
Ndërsa ministri i Financave e ka konsideruar si të pavend kërkesën për dyfishimin e pagës së pedagogëve pasi, sipas tij, ata kanë përfituar rritjen më të lartë të pagave nga të gjithë punonjësit buxhetorë. Në 10-vjeçarin e fundit janë larguar 80 % e stafit akademik të Fakultetit të inxhinierisë mekanike. Llogaritjet tregojnë se kanë humbur 70 vite specializime që duhet t’i shërbenin vendit ndërkohë që pedagogë të tillë janë tashmë jashtë Shqipërisë.
Pedagogët shprehën pakënaqësi nga trajtimi që iu bëhet e ende, nuk shohin të zbatohet ajo që iu thuhet se arsimi i lartë është prioritet i Ministrisë së arsimit. Me grevën e pedagogëve solidariozhen edhe studentët. /tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
