TIRANE - Një në 3 gjykata në Shqipëri respektojnë procedurën e regjistrimit audio të proceseve gjyqësore që zhvillohen midis palëve, ndërsa dhe pse duhet të ishte shembull për gjykatat e tjera në zbatim të kësaj procedurë regjistrimi i seancave në sistemin audio nuk respektohet as nga Gjykata e Lartë.
A1Report ka siguruar një kopje të raportit të USAID për monitorimin e përdorimit të sistemit audio nga gjyqtarët në periudhën Janar-Mars 2015, ku rezulton se në 24 gjykata të monitoruara vetëm 6 prej tyre regjistrojnë 100 % se çfarë ndodh në një seancë.
Sipas raportit 3 gjykatat më problematike të cilat nuk respektojnë këtë procedurë janë gjykata e Elbasanit që ka regjistruar vetëm 7 % të proceseve në 3 muaj, ajo e Durrësit me 35 % të proceseve të zhvilluara dhe ajo e Kavajës me 46 %.
Referuar gjyqtarit Osman Aliu të rrethit gjyqësorë Kavajë, Ministri drejtësisë Nasip Naço denoncoi mospërdorimin e sistemit të regjistrimit të proceseve gjyqësorë ndërsa gjykata e Kavajës rezulton një ndër tre gjykatat problematike sipas raportit.
Sipas raportit Gjykata e Tiranës, e Krimeve të Rënda, e Apelit në Gjirokastër, e Apelit në Vlorë, si dhe gjykata e rrethit dhe ajo e Apelit në Korçë janë të vetmet që zbatojnë këtë procedurë, e cila vlen për të kontrolluar qëndrimet e mbajtura në gjykim dhe ç’ka është më e rëndësishmja vendimin që merr gjykata duke shmangur abuzimet.
Por çfarë është sistemi RDA, regjistrimi audio me zë është i përbërë nga këto mikrofona që ju shihni në pamje 3 të tillë për çdo seancë, sipas rastit në proces penal Gjykatësi, Prokurori, i pandehur ose në proces Civil palët në proces dhe gjyqtari.
Ky sistem regjistron në kohë reale çfarë thuhet në sallë dhe e kalon atë automatikisht në një server duke shmangur aksesin për manipulim të provave.
Për herë të parë ky sistem është montuar në 2012 në gjykatën e Lezhës, ndërsa aktualisht funksionon në 34 gjykata përfshi dhe gjykatat administrative të krijuara rishtazi.
