Erion Veliaj prezantoi këtë të hënë listën e këshillit bashkiak për Bashkinë e Tiranës, e cila tashmë është dorëzuar në Komisionin Qendror të Zgjedhjeve. Veliaj tha gjatë një deklarate se në garë do të jenë emra të rinj, por edhe një pjesë e atyre këshilltarëve që kanë qenë. Ai shtoi se listës i janë bashkëngjitur zv/ministra për të vazhduar në këtë mënyrë bashkëpunimin me qeverinë.
“Duke qenë se jemi partia më e madhe dhe më serioze në vend nuk presim mesnatën për pazare apo kompromise të fundit apo hamendësime. Kemi qenë të përgatitur për këtë ditë kështu që para se të mbyllet orari zyrtar në KQZ në orën 17:00 kemi çuar të gjithë listën tonë. Duam të vazhdojmë bashkëpunimin e jashtëzakonshëm që kemi pasur me qeverinë e Edi Ramës që qëllon që ka qenë edhe ish-kryetar i Bashkisë së Tiranës. Ne duam që të bashkëpunojmë me qeverinë dhe prej këtij bashkëpunimi të prodhojmë rezultate në Tiranë. Ne kemi sot një listë që mishëron këtë bashkëpunim si kurrë më parë me qeverinë e Republikës së Shqipërisë me Bashkinë e Tiranës. Kjo është arsyeja pe një pjesë e zv/ministrave, ministrat nuk lejohen të jenë në Këshill Bashkia, një pjesë të madhe të zv/ministrave do ti kemi në këshill bashkiak”, tha Veliaj.
Sipas kryebashkiakut të Tiranës, lista e kryeqytetit është me mesataren më të re në moshë. Veliaj nënvizoi se selia rozë synon 40 mandate në Këshillin Bashkiak të Tiranës.
“Ne nuk do të kemi 100 përqind të këshillit bashkiak dhe në fakt kjo është një gjë e mirë. Nuk ishte faji ynë që një pjesë u largua nga këshilli bashkiak, por tashmë qartazi 62 anëtarët nuk do të jenë më të PS. Duke parë sondazhet ne parashikojmë, ose të paktën kemi një qëllim për të synuar 40 mandate të këshillit bashkiak”, tha Veliaj.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
