4 fevral tarixində Azərbaycan Respublikasının Prezidenti yanında Bilik Fondu, Azərbaycan Respublikası Daxili İşlər Nazirliyinin Polis Akademiyası və AMEA-nın Fəlsəfə və Hüquq İnstitutunun birgə təşkilatçılıı ilə Misir Ərəb Respublikasının Azərbaycandakı Səfirliyinin Misir Mədəniyyət və Təhsil Əlaqələri Mərkəzində "Multikulturalizm ili"nə həsr olumuş "Multikulturalizmin Azərbaycan modeli: fəlsəfi, sosioloji və hüquqi baxış" mövzusunda Respublika Elmi Konfransı keçirilmişdir.
Konfransda AMEA-nın vitse-prezidenti İsa Həbibbəyli, Millətlərarası, multikulturalizm və dini məsələlər üzrə Dövlət müşaviri xidmətinin baş məsləhətçisi Etibar Nəcəfov, AMEA-nın Fəlsəfə və Hüquq Institutunun direktoru İlham Məmmədzadə, Azərbaycan Respublikasının Prezidenti yanında Bilik Fondunun icraçı direktoru Oktay Səmədov, Misir Ərəb Respublikasının Azərbaycandakı Səfirliyinin Müvəqqəti İşlər vəkili Heysam Cəlal, Misir Səfirliyinin Mədəniyyət Attaşesi, Mədəniyyət və Təhsil Əlaqələri Mərkəzinin müdiri Əhməd Sami Elaydi, DİN Polis Akademiyasının rəisi Nazim Əliyev çıxış edərək Azərbaycanın mədəniyyətlərarası dialoq məkanına çevrilməsi faktının qlobal əhəmiyyət kəsb etdiyini və məsələlərin həlli istiqamətində Azərbaycanın digər ölkələrə nümunə olduğunu qeyd etdilər.
