لەم بەرنامەیەدا گفتوگۆیەكی گەرم لەسەر ئەوە دروستبوو كە ئایا‏‏‏ بۆ ‏دروستكردنی پرۆژە ‌و رێگا دەرەكییەكان جیاوازیی لەنێوان ‏شارەكاندا ‏‏‏دەكرێت یان نا، پەرلەمانتارێكی یەكێتی لە پەرلەمانی كوردستان ‏جەخت لەوە دەكاتەوە كە جیاوازیی دەكرێت ‌و دەشڵێت "گەمارۆیەكی ‏ناڕەوا خراوەتە سەر سلێمانی". بەپێچەوانەی ئەوە، پەرلەمانتارێكی ‏پارتی لە پەرلەمانی كوردستان ئاماژە بەوە دەكات كە نەك جیاوازی ‏نەكراوە، بەڵكو "بۆ یارمەتی سلێمانی غەدر لە دهۆك كراوە".‏


‏49٪ـی پرۆژەكانی ئاوەدانكردنەوە لە سلێمانی بووە ‏


‏هێڤیدار ئەحمەد پەرلەمانتاری فراكسیۆنی پارتی روونیدەكاتەوە ‏هیچ یەكێك لەو وەزارەتانەی پلانی ئابووریی لە هەرێمی ‏‏كوردستان دادەنێن ‏لەلای پارتەكەی ئەو نییە و دەڵێت "وەزارەتەكانی ‏دارایی، ‏ئاوەدانكردنەوە، ‏بازرگانی، پلاندانان، كشتوكاڵ، كە پلانی ‏ئابووریی وڵات ‏دادەنێن لەلای ‏پارتی نیین، ئیتر بۆچی پارتی بەرپرس ‏بێت لەوەی كە بگوترێ‌ ‏جیاوازیی ‏لەنێوان شارەكان دەكرێت".


ئەو ‏رەتیشی دەكاتەوە كە پرۆژەی كەم ‏بۆ ‏سنووری سلێمانی كرابێت و ‏دەڵێت "بەپێی ئامارەكانی ‏وەزارەتی ‏ئاوەدانكردنەوە 49% ـی پرۆژەكانی ‏ئاوەدانكردنەوە لە سنووری ‏سلێمانی بووە ‏ئیتر بەپێی چ پێوەرێك ‏غەدر لە سلێمانی كراوە؟ بەڵام یەك ‏جیاوازیی هەیە ‏بەشێك لەو پارەیەی ‏چووەتە سلێمانی بۆ پرۆژە دیار نەماوە و ‏پرۆژە نەكراوە، ‏بەڵام ئەوانەی ‏هەولێر ‌و دهۆك زۆرینەی كراونەتە پرۆژە، ‏هەر بۆ نموونە رێگەی ‏دهۆك ‏هێندە بەباشی كراوە چاو بنوقێنم دەتوانم پێدا ‏بڕۆم، بەڵام كە بۆ ‏‏سلێمانی نەكراوە كەمترخەمی ئیدارەكەیەتی".‏


دژی لامەركەزی بووم، بەڵام خێری تێدا بوو


پەرلەمانتارەكەی فراكسیۆنی پارتی ئەوەش رووندەكاتەوە كە ‏پرسی ‏‏‏(لامەركەزی) داواكاریی یەكێتی بووە، هەرچەندە ئەو لە سەرەتادا ‏دژی ‏بووە، ‏بەڵام ئێستا وەك خۆی دەڵێت "بەخێر گەڕاوە، چونكە ‏‏جموجۆڵێكی زۆری ‏دروستكردنی پرۆژەی لە سنووری دهۆك ‏‏دروستكردووە".‏


گەندەڵی ‌و سەرانە ستاندن، كۆنەكردنەوەی داهات بەباشی بۆ ‏حكومەت، ‏‏بەبۆچوونی هێڤیدار ئەحمەد هۆكاری هەرە سەرەكین بۆ ‏نەكردنی ‏پرۆژەی ‏خزمەتگوزاری لە سنووری سلێمانی. هێڤیدار ئەحمەد دەڵێت "ئەوە قسەی من ‏نییە، ‏بەڵكو ئاوات شێخ جەناب ‏وەزیری دارایی لە نووسینێكدا ئەوەی ئاشكرا كردووە ‏‏كە داهات لە سلێمانی ‏بەباشی كۆناكرێتەوە جگەلەوە گەندەڵی ‌و ‏سەرانە ‏ستاندنیش هەیە".‏




ئەم بەرنامەیە شەوی 26-03-2023 بەشێوەیەكی راستەوخۆ ‏پێشكێش ‏كرا‌ و ‏میوانەكانیش پێكهاتبوون لە


‏*هێڤیدار ئەحمەد، جێگری سەرۆكی لیژنەی دارایی و ‏كاروباری ئابووری ‏‏لە پەرلەمانی كوردستان.


‏* لوقمان وەردی، سەرۆكی لیژنەی شارەوانی و گواستنەوەو ‏گەیاندن ‏لە ‏پەرلەمانی كوردستان


‏*میران كامیل، گوتەبێژی بەڵێندەرانی سلێمانی‏ ‏

свернуть