Tajvani tha të premten se 12 avionë luftarakë kinezë dhe një balonë ka kaluar linjën ndarëse të ngushticës së tajvanit në një përshkallëzim më të fundit tensionesh kur ka mbetur rreth një muaj nga zgjedhjet presidenciale në ishull. Tajvani, me një qeveri demokratike, që kina e pretendon si territor të sajin, është ankuar katër vitet e fundit për patrullime të rregullta të ushtrisë kineze dhe stërvitje të saj afër ishullit.
Ishulli do të mbajë zgjedhjet presidenciale dhe parlamentare më 13 janar dhe fushata ka në qendër mënyrat se si qeveria e ardhshme do të menaxhojë marrëdhëniet me kinën. Ministria tajvaneze e mbrojtjes, tha se 12 avionë luftarakë kinezë kishin kaluar vijën ndarëse, që shërben si një kufi jo zyrtar mes dy palëve, por ku avionët kinezë tani fluturojnë rregullisht. Një element i pazakontë në këtë deklaratë ishte pikasja edhe e një balone kineze, 187 km në jugperëndim të qytetit të Keelungut, në veri të ishullit, që kishte udhëtuar drejt lindjes për rreth një orë, duke kaluar ngushticën për tu zhdukur më pas.
Ministri tajvanez i mbrojtjes i tha gazetarëve se sipas informacioneve të para, me gjasë ajo kishte qenë balonë moti, por ai kishte ndjerë se ministria kishte detyrimin ta raportonte këtë rast për publikun. Ministria e mbrojtjes në kinë nuk i është përgjigjur kërkesave për koment. Potenciali që kina të përdorë balonat për spiunazh, u bë cështje globale në shkurt, kur SHBA rrëzoi atë që tha se ishte një balonë kineze mbikqyrjeje, por që kina tha se ishte një mjet civil që aksidentalisht kishte mbërritur mbi SHBA.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Avionet#Tajvan
