Кыргыз эл артисти, алп акын, төкмө акын, обончу Элмирбек Иманалиев көзү тирүү болгондо 17-январда 46 жашка чыкмак. Кыргыз элинин булбул үнү көп жылдык оорудан 2020-жылдын 20-апрелинде мезгилсиз дүйнөдөн кайткан. Иманалиевдин акыркы керези деп "Чоңдорго кайрылуу" чыгармасы аталып калды. Анда төкмө акын өлкөдөгү жемкорлук, мыйзамсыздык, элди түйшөлткөн көйгөйлөр тууралуу ачык айткан.
