Қызылордада қыс және көктем кезеңінде су тасуының алдын алу зардаптарын жою бойынша облыстық командалық-штабтық оқу-жаттығу жиындары өткізілуде.
Апаттық-құтқару қызметінің құрылымдары өзен бойында жырылу қаупі жоғары 27 бөлікте дайындықтарын пысықтау үстінде. Оқыс оқиға болған жағдайда, тұрғындарды көшіретін 100-ден астам бекеттер әзірленіп қойылды. Ауа райының жылылығына байланысты биыл дария бетінде қалың мұз ұстасқан жоқ. Тек Қазалы, Арал аудандарында ғана шағын мұз қатқақтары шоғырланған. Дегенмен мұның өзі кептеліс туғызып, бөгеттің сөгілуіне алып келуі мүмкін. Жуырда Біріккен Ұлттар Ұйымы тарапынан 60 метрлік жасанды бөгеттер тегін берілген. Жоғары қысымға шыдас беріп, жылдам құрылып-жиналатын бөгет арқылы мол су арнасын өзгертуге мүмкіндік жасалып отыр. Сондай-ақ мамандар тобы 21 гидротехникалық құрылғылар жөндеуден өтуі тиіс деп санайды.
Саид Молдақараев, облыстық ТЖД басқарма басшысы
-Шиелі ауданы бойынша Жөлек елді мекені қауіпті участоктардың біріне жатады. Қызылорда қаласында қауіпті-қауіпті деген 3 участок бағаланып, қазіргі таңда сол қауіпті участоктарды, бөгеттерді нығайту жұмыстары жүргізіліп жатыр.
