جھنگ دھرتی دی پہچان خان صاحب طالب حسین درد
ساری زندگی جھنگ دی دھرتی نال وفا تے عقیدت وچ گزر گئی خان صاحب دی انہاں دی حیاتی راٹھ پُنڑیں دی مثال ہا ہمیش ہی معیار مطابق گایا تے ہر گل معاشرتی اصلاح تے اچ جھک دی مظہر ہا خان صاحب دا گائے ہزاراں ایسے گیت ہن جو کہ ہک ضرب المثل بن گئے تے زبان زد عام انتخاب ہوئے

بختاں دے پاسے لگے زندگی دے سائیں گئے
جدے گئیاں بیڑیاں ملاح وی ادائیں گئے
نال ہی خان صاحب آدھے ھن کہ سارا جگ بےوفا کوئی کسے دا وی نہیں
اتھائیں ایہہ گل وی تکیہ کلام بن گئی کہ,,,
جو گزر گئی واہ واہ دلبر
تسیں اپنے گھر اسیں اپنے گھر
خان صاحب ہر راگ وچ اپنا لوہا منوایا جس جس انگ نوں چھیڑیا دھاک بٹھا دتی واحد گلوکار خان صاحب طالب حسین درد ھن جنہاں جوگ نوں ہر چھے ماہ بعد نواں ٹچ دتا ہک نوی تخلیق ہک نواں طرز پنجابی ادب دے ودھا وچ خان صاحب دا کردار انتہائی اہمیت دا حامل ہا جس جس شاعر دا کلام خان صاحب گا چھڈدے ہن اس دی شہرت دی ضمانت ہوندا ہا خان صاحب دی زندگی وچ ہر شاعر دا ہک اپنا مقام ہاہ لیکن مہرغلام محمد دردصاحب نال خان صاحب نوں ہک خاص ہی پیار ہا خان صاحب کیئی وار دردصاحب نوں آدھے ھن کہ تیرا میرا رشتہ محض گلوکار تے شاعر دا نہیں بلکہ پیو پتراں دا ھے
مہرغلام محمد دردصاحب دی اویل عمراں وچ ہی خان صاحب طالب حسین درد کلام گاونڑاں شروع کیتا ہا اور ایہہ کم خان صاحب دے آخری پروگرام تک جاری رہیا
افسوس ضرور ہوندا جداں بندہ ایہہ سوچے کہ ایسے وڈے گلوکار نوں حکومتی سطح تے کوئی انعام نہ دتا گیا حالانکہ جتنی خدمات ھن خان صاحب دیاں اگر انہن سو وار وی صدارتی ایوارڈ دتا جاوے ھا تے کم ہاہ لیکن خان صاحب چونکہ رتا پیلا چولا تے چنری منری ناہن گاندے اس واسطے انہن ایہہ ایوارڈ نہیں دتا گیا
لیکن اس دے باوجود عوام دی بےپناہ محبت تے کروڑاں دلاں دیاں دعاواں خان صاحب واسطے کسے ایوارڈ توں گھٹ نہیں
خان صاحب دا گھاٹا ہک ایسا گھاٹا ہے جو تاقیامت پورا نہیں ہو سگدا نہ ہی کوئی وت ماں ایہو جہیا جاونڑاں ھے دکھاں دی ڈھال تے دکھیاں دا دردی وت نہیں لبھنڑاں
دعا ہے اللہ تعالیٰ انہاں دے لواحقین نوں صبر جمیل عطا فرمائے تے خان صاحب دے درجات بلند فرمائے آمین ثم آمین

свернуть