Rusia planifikon të bëjë “vaksinim në shkallë të gjerë” kundër COVID-19 gjatë muajit tetor, deklaroi ministri i Shëndetësisë së Rusisë, Mikhail Murashko.
Duke folur për gazetarët, Murashko shtoi se mësuesit dhe punonjësit e shëndetësisë do të jenë prioritet në këtë program vaksinimi. Megjithatë, ai nuk dha më shumë detaje rreth vaksinës apo këtij programi të vaksinimit. Më herët gjatë javës, agjencia e lajmeve Reuters, duke u referuar një burimi anonim, raportoi se vaksina e parë potenciale për COVID-19 e Rusisë pritet të marrë miratimin e qeverisë në muajin gusht. Rusia raportohet se ka zhvilluar dy vaksina – një është zhvilluar nga Instituti Gamaleya në bashkëpunim me Ministrinë e Mbrojtjes dhe një vaksinë tjetër po zhvillohet nga laboratori shtetëror për kërkime Vektor. Sidoqoftë, disa ekspertë janë të shqetësuar tek nxitimi i rusisë. Gjatë dëshmisë së tij para Kongresit amerikan më 31 korrik, zyrtari kryesor i SHBA-së për sëmundje ngjitëse Anthony Fauci, shprehu shqetësimin e tij lidhur me raportimet se vaksinat kundër COVID-19 po zhvillohen në Rusi dhe Kinë. “Shpresoj që kinezët dhe rusët po i testojnë vaksinat përpara se t’ua japin ato qytetarëve”, tha Fauci. Dhjetëra vaksina të mundshme ndaj koronavirusit po prodhohen në botë dhe më shumë se 20 prej tyre janë në fazën e testeve klinike. Në britaninë e madhe, një vaksinë e prodhuar nga universiteti i Oxfordit ka treguar se mund të shkaktojë një reagim imunitar dhe një marrëveshje është nënshkruar me astrazeneca për të prodhuar vetëm për këtë vend 100 milionë doza.

Pamje: AFP


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Russia#TopChannel

свернуть