Si për shumë të tjerë, edhe për Shkëlzen Berishën , djalin e ish kryeministrit Berisha, kapërcimi i dyerve të SPAK nuk ishte i qetë.

Pavarësisht se doli pa avokat para hetuesve të Gërdecit, duket se më tepër se hija e Prokurorisë së Posaçme, deklaruesi i ngatërroi hyrjet për një shkak tjetër, atë të dosjes Gërdeci që në prag të 15-vjetorit të tragjedisë me 26 të vdekur vazhdon të kërkojë çdo përgjegjës të dyshuar.

Është ky dokument i përcjellë me faks nga zyra e Aldo Bumçit të atë kohë ministër drejtësie që gjatë një komunikimi me kolegun Fatmir Mediu për fabrikën e demontimit, në krye të saj u shënua me shkrim dore emri i Shkëlzen Berishës.

Një detaj i tillë qartësisht e vë në pozitë të parehatshme djalin e ish kryeministrit. Ndonëse secili nga protagonistët e pyetur midis tyre dy ish ministra këmbëngulin për një shkresë të falsifikuar, kurse një sekretare thotë se djali i ish-kryeministrit e ka vizituar Ministrinë e Drejtësisë në atë periudhë.

Berisha: Prokuroria duhet t’i thojë publikut se e kujt është kaligrafia nëse nuk është falsifikim. Në origjinal nuk ka asnjë shënim të tillë.

Anila Hoxha: Një sekretare ka thënë se ju ka parë në atë kohë në Ministrisë së Drejtësisë

Berisha: Kam qenë por jo për fabrikën, kam takuar miq aty

Dëshmia e Shkëlzen Berishës është e rëndësishme mbasi nga njëra anë prokurorët po shfrytëzojnë orët e fundit për të dorëzuar të akuzuar Fatmir Mediun në gjykatën antikorrupsion, por ndërkohë përmendet se Mediu dhe Shkëlzen Berisha kanë komunikuar bashkë.

Berisha: Kemi komunikuar, po kjo s’do të thotë që ishim ortakë apo diçka tjetër.

Nga ana tjetër SPAK ka veçuar hetimet për akuzat e trafikut të municioneve dhe pastrimit të parave dhe Shkëlzen Berisha është pyetur edhe për këtë gjë.

Anila Hoxha: A mendoni se është hetuar siç duhet Gërdeci?

Berisha: Nuk mund ta them se s’jam ekspert, por është politizuar së tepërmi

Hoxha: A ndiheni të rrezikuar nga SPAK?

Berisha: Aspak!

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#SPAK#ShkëlzenBerisha#TopChannelNews

свернуть