Елімізде 42 қаржы пирамидасы жойылып, алаяқтық схемаларды жарнамалаған 15 мыңға жуық сайт бұғатталды. Бұл туралы бүгін Президент қабылдауында болған Қаржы Мониторингі Агенттігінің төрағасы Жанат Элиманов мәлімдеді. Одан бөлек, түрлі мессенджерлердегі 327 чат жабылды. Осының арқасында 2 млн адам алаяқтардың арбауынан құтқарылды. Жанат Элимановтың айтуынша, кешенді жоспардың арқасында көлеңкелі экономика деңгейі 1,3 процент төмендеген. Кездесу соңында мемлекет басшысы Агенттік төрағасына бірқатар тапсырма берді.
