Një grup arkitektësh dhe inxhinierësh shqiptarë që jetojnë dhe punojnë në New York, erdhën në Shqipëri për të inspektuar objekte e dëmtuara nga tërmeti i 26 nëntorit.

"Ne jemi një grup shqiptarësh profesionistësh në fushën e inxhinierisë. Baza jonë është New York-u. Kemi ardhur këtu me misionin për të ndihmuar vendin tonë me ekspertizën tonë profesionale për të inspektuar shkollat publike për të parë nëse tërmeti i ka dëmtuar shumë apo pak" ,tha Sokol Ruta, arkitekt.

Ata kontrolluan 62 shkolla në qarkun e Tiranës. Raportin me të gjitha gjetjet për çdo shkollë, arkitektët iu dorëzuan institucioneve shtetërorë që do të vlejnë për të bërë ndërhyrjet e nevojshme për çdo shkollë.

"Numri i shkollave është 62, arritëm të inspektojmë ku marrim mësim 25 mijë nxënës. Arritëm në konkluzionin që pak shkolla janë për t'u rindërtuar. Shumica e shkollave janë me dëme strukturore që variojnë nga dëme minimale në dëme të thella. Ne do të propozojmë disa zgjidhje. Do të plotësojmë një raport ton dhe do ia dorëzojmë Çuçi brenda ditës së nesërme", shtoi ai.

Kjo ishte një nismë vullnetare nga këta të rinj të cilët erdhën nga Shtetet e Bashkuara të Amerikë për të kontribuar me eksperiencën e tyre.

свернуть