Əfqanıstanda orqanlarını sataraq dolanmağa çalışırlar - BAKU TV

Əfqanıstanda ifrat yoxsulluğun yayılması fonunda dolanmaq üçün öz orqanlarını satmaq məcburiyyətində qalan insanların sayı sürətlə artır.
Məsələ ilə bağlı danışan həkim Nasir Əhməd son bir il ərzində 85 böyrək nəqli əməliyyatı etdiyini bildirib.
Həkim bildirib ki, alıcı və donor arasında qarşılıqlı razılaşmaya əsasən orqan transplantasiyası 6-8 min dollara həyata keçirilir.
Daxili xəstəliklər üzrə mütəxəssis Əhməd Şekaib isə orqan satan insanların qısa müddətli rifahı olsa belə, gələcəkdə bu transplantasiya əməliyyatı ilə bağlı yaşayacaqları sağlamlıq problemlərinə diqqət çəkib.
Herat vilayətinin Kohsan şəhərində yaşayan 40 yaşlı Qulam Həzrət ailəsini dolandırmaq üçün bir ay əvvəl böyrəyini 2300 dollara satan Əfqanıstan vətəndaşlarından biridir. İrana işləmək üçün qeyri-qanuni yollarla getməyə cəhd edən, lakin buna nail ola bilməyən Qulam böyrəyini satmaqdan başqa çarəsinin olmadığını deyib.
“Çıxıb pul dilənə bilmədim, buna gücüm çatmadı. Ona görə də xəstəxanaya gedib böyrəyimi satmaq qərarına gəldim. Heç olmasa bir müddət uşaqlarımı yedizdirə biləcəyəm”, - deyə o qeyd edib.
Həzrətin pulu bitdikdə nələr edəcəyi barədə heç bir fikri yoxdur.
Əfqan kənd sakini Mir Əhməd isə narahatlığını belə ifadə edib:
“İnsanların çoxu həyatına görə qorxaraq ölkəni tərk edir, lakin bəziləri də iş axtarmaq üçün gedir. Bəziləri başqa ölkələrə gedə bilməyəndə evlərinə qayıdır və yol xərcləri üçün borc götürdükləri pulu ödəməli olur. Bunun üçün ev əşyalarını satırlar, yaxud böyrəklərini, hətta uşaqlarını satmağa qərar verənlər də var”.
Birləşmiş Millətlər Təşkilatı humanitar böhranın tüğyan etdiyi Əfqanıstana bu həftə 4,4 milyard dollarlıq yardım kampaniyasına başlayıb. Lakin hamı əmindir ki, hətta bu kampaniya da əfqan xalqının iztirablarına son qoymayacaq.

[ Ссылка ]
[ Ссылка ]
[ Ссылка ]
Pulsuz Elanlar: [ Ссылка ]


Baku TV 2018-ci ildən xəbər kanalı kimi fəaliyyət göstərir. 2021-ci ildə
NETTY tərəfindən ilin İnternet və YouTube xəbər kanalı seçilib.
Baku TV -nin əsas məqsədi dünyada və ölkədə baş verən ən vacib və maraqlı xəbərləri Azərbaycan və rus dillərində cəmiyyətə çatdırmaqdır.

Twitter: [ Ссылка ]
Facebook: [ Ссылка ]
Instagram: [ Ссылка ]
Baku TV ©2018 | 2021© All Rights Reserved ℗ Baku TV



#BakuTv #bakutvxəbər #trend #xeberler #news #bakutvxeber #bakutv #bakutvnews #newsandpolitics #xəbərlər

свернуть