БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Желтоқсаннан бастап Қазақстанға кейбір көліктерді елге әкелу тәртібі өзгереді. Енді шетелден 3 жыл бұрын шығарылған темір тұлпарларды республика аумағына тек арнайы рұқсаты бар кәсіпкерлер ғана кіргізе алады. Ал жеке тұлғаларға сырттан әкелінген машиналарды тіркеуге тыйым салынбақ. Бұл туралы Мемлекеттік кірістер комитеті хабарлады. Жаңа ережеге сәйкес көлік тасуға құқығы бар азаматтарда құралдың техникалық регламент талаптарына сәйкестігін растайтын құжаты болуы шарт. Тақырыпты әріптесім Оразай Нұртайұлы жалғастырсын.
ОРАЗАЙ НҰРТАЙҰЛЫ, тілші:
- Көлікті шетелден алған тиімді болған соң қолдан келсе мүмкіндікті қалт жібермейтіндер бар. Темір тұлпарды сырттан алдырып, елдегі бағамен сатып кәсіп қылғандар да жетерлік. Бірақ келесі айдан бастап бұл мүмкіндік енді Қазақстанда заңды тұлға ретінде тіркелген азаматтарға ғана рұқсат етілмек
Автокөлікті сырттан әкеліп, елде сатумен айналысатын азаматтың бірі - Арнұр Қуанышбек кәсібін 2 жыл бұрын бастап, шекарадан 900-ден астам көлік кіргізіп үлгерген. Сөзіне сенсек, оның жұмысы заңды, қолында тиісті құжаты бар. Сондықтан жаңа ереже кәсібіне кедергі келтірмейді деген ойда.
АРНҰР ҚУАНЫШБЕК, кәсіпкер:
- Тасымалдау портпен. Контейнерге басамыз, біреуіне 4 машина сияды. 25-30 күннің ішінде машина осы Қазақстанға кіреді. Ол 10 күнде Қытайға барады, Қытайдан бері қарай пойызбен. Грузиядан, Америкадан, Дубайдан да алып келеміз. Ең тиімдісі ол Корея. Кореяның нарығындағы көліктер өте арзан және тез келеді.
Кәсіпкердің пікірінше, жаңа тәртіп көлік тасымалының көлеңкелі жолына тұсау болады. Ал жаңашылдық туралы мәлімдеген Мемлекеттік кірістер комитетінің хабарлауынша, шығарылғанына 3 жылдан аспайтын темір тұлпарды көлік құралының типін мақұлдау Евразиялық экономикалық комиссиясы бекіткен қағидаға сай тұлғалар ғана таси алады.
КҚТМ-да көрсетілген, ЕЭК Кеңесінің 2021 жылғы 12 қарашадағы № 130 шешімімен бекітілген ЕАЭО кедендік аумағына сәйкестігі міндетті бағалауға жататын өнімді ЕАЭО кедендік аумағына әкелу қағидаларының 10-тармағының б) тармақшасын қолдана отырып ресімделген тұлғалар ғана әкелуге құқығы бар. Өз кезегінде, егер мұндай өнімнің декларанты КҚТМ-да көрсетілген тұлға болған жағдайда ғана КҚТМ-ны пайдалануға жол беріледі.
ҚР ҚАРЖЫ МИНИСТРЛІГІНІҢ МЕМЛЕКЕТТІК КІРІСТЕР КОМИТЕТІ:
- Көлік құралының типін мақұлдауда көрсетілген, Еуразиялық экономикалық комиссия Кеңесінің 2021 жылғы 12 қарашадағы №130 шешімімен бекітілген Еуразиялық экономикалық одақ кедендік аумағына сәйкестігі міндетті бағалауға жататын өнімді Еуразиялық экономикалық одақтың кедендік аумағына әкелу қағидаларының 10-шы тармағының "б" тармақшасын қолдана отырып рәсімделген тұлғаларға ғана әкелуге құқығы бар. Өз кезегінде, егер мұндай өнімнің декларанты көлік құрылының типін мақұлдауда көрсетілген тұлға болған жағдайда ғана көлік құрылының типін мақұлдауды пайдалануға жол беріледі.
Ал жеке тұлғаларға сырттан көлік әкелуге қандай жағдайда тыйым салынатыны туралы Өнеркәсіп және құрылыс министрлігі де, Мемлекеттік кірістер комитеті де әзірге ресми жауап бермеді. Айта кетсек, жаңа ереже 2 аптадан кейін енгізіледі.
---------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

свернуть