Қарағандыда тұрғындар «бүтіндей бір ауылды улап жатыр» деп, тұтас бір комбинатты жабуды талап етеді. Айтуларынша, «Алтай Полиметаллы» компаниясы бес жылдан бері зиянды қалдықтарын елдімекенге қарай ағызып жатыр. Қазір ауыл адамдары ауыз суды пайдалануға жүрексініп қалдық десе, түсті металл өндіретін компания суды кір жууға тіпті жуынуға қолдануға болады дейді.
