Ərdoğan Azərbaycana yardımla bağlı sazişi təsdiqlədi - Baku TV
Türkiyə Prezidenti Rəcəb Tayyib Ərdoğan Ankara ilə Bakı arasında səhiyyə sahəsində yardım göstərilməsinə dair anlaşma sazişini təsdiqləyib.
Bu barədə “Resmi Gazete”də xəbər verilib. “Türkiyə hökuməti ilə Azərbaycan hökuməti arasında səhiyyə sahəsində yardım göstərilməsinə dair anlaşma” sazişi 28 mart 2002 tarixli və 4749 saylı qanunun 9-cu maddəsinə uyğun olaraq təsdiqlənib”, - deyə məlumatda bildirilir.
Qərarda deyilir ki, Türkiyə tərəfi Azərbaycan tərəfinə dostluq və xoş niyyət jesti kimi 100 min qutu “Favipiravir” preparatı göndərəcək.
Yardım kimi verilən bu dərman Azərbaycana aid olacaq və səhiyyə xidmətlərinin göstərilməsində istifadə ediləcək. Preparatlar daha sonra tərəflər arasında təyin ediləcək metodla təslim ediləcək.
Sənəd 2021-ci il martın 31-də imzalanıb və həmin gündən qüvvəyə minmiş hesab olunur. Sazişi Türkiyə hökuməti adından səhiyyə nazirinin müavini Halil Eldemir, Azərbaycan hökuməti adından isə ölkəmizin Türkiyədəki səfiri Xəzər İbrahim imzalayıb.
Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.
Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.
Facebookda səhifəmiz:
[ Ссылка ]
[ Ссылка ]
[ Ссылка ]
Kanalda bütün müəllif hüquqları qorunur.
#BakuTv #Azerbaycan #trend
