#edirama #shqiperi #turqi
Shqipëria do të nisë drejt Turqisë pas tragjedisë që shkaktoi goditja sizmike ekipe shpëtimi të përbërë nga mjekë dhe trupa të Emergjencave Civile si dhe disa ambulanca. Vetë Kryeministri lajmëroi se do të niset një mision shpëtimi nga Shqipëria për t’ju ardhur në ndihmë ekipeve të kërkim-shpëtimit në Turqi, ndërsa shprehu ngushëllimet për jetët e humbura.
“I pikëlluar thellësisht për lajmin e mëngjesit të sotëm për tërmetin shkatërrues që goditi disa pjesë të Turqisë dhe Sirisë. Ngushëllimet tona më të thella për familjet e shumta që humbën jetën dhe u urojmë shërim të shpejtë të lënduarve. Një mision shpëtimi solidariteti do të niset sot për në Turqi”.
Po ashtu edhe kreu i shtetit në emër të popullit shqiptar shprehu keqardhjen dhe ngushëllimet e tij për popullin dhe autoritetet turke.
“Thellësisht i trishtuar nga tërmeti shkatërrues që goditi Turqinë dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve që humbën të dashurit e tyre në këtë tragjedi të tmerrshme”.
Sali Berisha shfrytëzoi daljen përpara gazetarëve për të shprehur solidaritetin me dhimbjen që po kalon Turqia nga numri i lartë i viktimave dhe të plagosurve.
“Me këtë rast duke shprehur ngushellimet më të ndjera familjeve të viktimave, autoriteteve të vendit, lutemi për shërimin e shpejtë të të plagosurve”.
Kryebashkiaku Veliaj dhe ministrja e Jashtme po ashtu postuan mesazhet e tyre ngushëlluese në Tëitter. Ndërkohë, si ambasada jonë në Ankara ashtu dhe konsullata në Stamboll pohojnë se nuk kanë asnjë informacion për ndonjë shtetas shqiptar që ka humbur jetën apo është lënduar gjatë tërmetit.
Gjithsesi Ministria e Jashtme apelon që qytetarët shqiptarë nëse kanë nevojë për ndihmë të kontaktojnë në dy numrat e selive diplomatike në Turqi.
Turqia ishte ndër të parat shtete që ofroi ndihmë kur vendi ynë u godit në Nëntorin e 2019 nga tërmeti dhe më pas financoi ndërtimin e 500 apartamenteve në Laç, një nga zonat më të prekura nga ajo goditje sizmike.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
