Ամառային զորակոչն ակտիվ փուլում է, զինակոչիկների մեծ մասն արդեն մասնակցել է վիճակահանությանն ու մեկնել զորամասեր։ Գործընթացին, շաբաթվա սկզբին, տեղում հետևել է վարչապետ Փաշինյանը։
Ամառային զորակոչի այս տարվա նորամուծություն. հայրենական ռազմարդյունաբերության արդիականացումը կշարունակվի նաև ժամկետայինների մասնակցությամբ։ Քննություններ՝ գիտական վաշտում ընդգրկվելու և ծառայությունն ըստ մասնագիտության անցկացնելու համար։
Զորակոչը՝ հավաքակայանից մինչև զորամաս։ Զինուժի նկարահանող խմբի ուղևորությունը՝ հայրենիքի պաշտպանների հետ՝ նրանց առաջիկա երկու տարիների հիմնական տեղակայման վայր։
Նորակոչիկների առաջին քայլերը զորամասում և զինվորական գործի հիմնական սկզբունքները սերտելու՝ «երիտասարդ մարտիկի» դասընթացը։ Զորամասերում պատրաստվում են երդման հանդիսավոր արարողությանը։
Եվ՝ պատիվ ունեմ։ Պայմանագրային զինծառայողի՝ ժառանգաբար փոխանցվող նվիրումը հայրենիքին և հարազատ սահմանին։ Զինուժը ներկայացնում է հանրապետության հյուսիսարևելյան սահմանի հենակետերից մեկի փորձառու ավագին։
