جميع الحقوق محفوظه لقناة فهاد العلي ولايحق لااي استديو تعديلها
#شيلات_فهاد_العلي
#جديد
#شيلات_حماسية
#شيلات_حزينه 3
ينعاد عيدك يانظر عيني انتي
وكل عام وانتي مستحله الصداره
العيد شوفك يادوى العين والله
ياللي خديدك مختلط به حماره
النقش زاهي في يديك و كفوفك
والعنق زينه الذهب واصفراره
يلا العبي دامك عليهن اميره
خلي حسودك تشتعل فيه ناره
والعاذل اللي فيك زايد كلامه
ياجعل ليله يختلط مع نهاره
هيبتك لاجيتي عليهن ك انك
قايد واميرًا يستحق الاماره
منك حريم اخوانك اليوم غارن
بقلوبهن ولع فتيل وشراره
انتي عيونك تسحر اللي يشوفك
ويخلف طريقه يختلف عن مساره
ياعين حرا مال وصفه مشابه
قرناسً اشقر منوة اهل الصقاره
زينك وحسنك بين هالناس فارق
المدح في غيرك انشهد خساره
مثل القمر بين النجوم ان حضرتي
ثابت ماغيره الزمن عن مداره
انا فتني نابِ الادراف الاشقر
اللي بياضه مختلط مع سماره
مهره واصيله نادره في زمنا
تلعب بفن ولعبها في مهاره
