Цæгат Ирыстоны хицауад архайы цæмæй нæ республикæ æмæ Уралы дæрддзæф регионтимæ фæзына комкоммæ уæлдæфон бастдзинад. Уый тыххæй фехъусын кодта нæ республикæйы райрæзты агентады разамонæг Плиты Алыксандр. Йæ ныхæстæм гæсгæ, туристтæ улæфыны бынæттæ куы февзрынц, уæд, фыццаджыдæр, се ’ргом аздахынц уæлдæфон бастдзинадмæ. Фылдæр хатт равзарынц, æнцонтæй кæдæм бахæццæ уыдзысты, уыцы бынæттæ. Куыд ма бафиппайта. афтæ кæд республикæйы туризмы райрæзтыл бакусын хъæуы, уæд фыццаджыдæр хъæуы æркæсын уæлдæфон бастдзинады фарстамæ. Афтæ ацы аз байгом кодтой ног рейсытæ Ростовмæ æмæ Сочимæ. Хæдтæхджытæ вæййынц адæмæй дзаг. Комкоммæ уæлдæфон бастдзинад фадат дæтты нæ республикæмæ инвесторты ’ргом раздахын.
_
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv
