Қасым-Жомарт Тоқаев сұйытылған газды электрондық сауда алаңдары арқылы сатуға көшуді бір жылға шегерді. Бұл аралықта Үкімет нормативтік-құқықтық базаны әзірлеп, сауда алаңдары жұмысының ашық болуын қамтамасыз етуі қажет. Әрі бағаның күрт өсуін шектеу тетіктерін де енгізуі тиіс. Мемлекет басшысы Маңғыстау облысында алты айға газ бағасын реттеуді тапсырды. Ал өзге өңірлерде газ құны өткен жылдың соңында тіркелген бағадан аспауы керек. Президент Үкіметке еліміздегі әлеуметтік-экономикалық ахуалды тұрақтандыру үшін қосымша тапсырмалар жүктеді.
Яғни, 180 күнге бензин, дизель отыны, сұйытылған газ бағасына мемлекеттік реттеу енгізіліп, әлеуметтік маңызы бар азық-түлік тауарларының құны бақылауға алынуы қажет. Шешімді әр өңірдегі жағдайға қарай облыс әкімдері қабылдайды. Сонымен қатар, «Жеке тұлғалардың банкроттығы туралы» Заңды әзірлеуге кірісу керек деді Мемлекет басшысы. Одан бөлек, алты айға коммуналдық тарифтерді көтеруге мораторий жариялау жайы қарастырылмақ. Әлеуметтік жағдайы нашар топтар үшін де нарықтағы баспананы жалға алу құнын субсидиялау мәселесі басты назарға алынған. Ал денсаулық сақтау және балалар мәселелерін шешу үшін мемлекеттік және жеке көздер арқылы қаржыландырылатын «Қазақстан халқына» деп аталатын қоғамдық қор құрылмақ. Бұдан бөлек Президент Бас прокуратураға Бәсекелестікті қорғау агенттігімен бірлесіп, шұғыл түрде бағаны келісіп көтергендер мен жосықсыз бәсекелестікке жол бергендерге қатысты тергеу жүргізуді тапсырды. Тергеу нәтижесі 20 күн ішінде жариялануы тиіс.






Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31

#наразылықтар #митинг #Тоқаев

свернуть