Нұр-Сұлтан жастарына биыл жалға берілетін үйдің саны 4 есеге азайып кетіпті. Әкімдіктегілер бұл пандемияның кесірі дейді. Әлеуметтік осал топтағы азаматтар әр 5 жыл сайын жалға алған үйлерін келісім шарт арқылы ұзартып әрі қарай тұра беруіне болады. Ал елордалық жастар 5 жылдан кейін басқа үй іздеуге мәжбүр болады екен. Қатаң талаптары бар баспанаға басқа кімдер үміткер бола алады? Әріптесім біліп көрген еді.
Бірінші желтоқсаннан бастап елорда жастары сатып алу құқығынсыз жалға берілетін үй алуға өтінім бере алады. Алайда бұл жобаға жұмыс істейтін, жалақысы 111 мыңнан аспайтын 29 жасқа дейінгі азаматтар қатысады. Балдық жүйемен жүретін іріктеуге құжат тапсыратындардың Қазақстан аумағында 2 жыл баспанасы болмауы тиіс және осы уақыт көлемінде Нұр-Сұлтанда тіркеуде тұруы керек.
АРМАНАЙ ҚАБДЕШОВА, Нұр-сұлтан қаласы әкімдігінің тұрғын үй қорының баспасөз хатшысы:
– Іріктеу балдық жүйе бойынша жүргізіледі. Біріншіден ол сіздің отбасыңыз бар болса, егер балаларыңыз бар болса балл қосылады, жеке ісіңіз, кәсібіңіз бар болса балл қосылады. Мемлекеттік қызметте істейтін болсаңыз балл қосылады. Және қандай да жеке наградаларыңыз, грамоталарыңыз болса балл қосылады.
Биыл жастар мен әлеуметтік осал топтағы азаматтарға жалға берілетін баспана саны айтарлықтай азайып кеткен. Мысалға өткен жылы 2050 жас пәтер кілтін алса, биылғы сан 350. Ал екінші желтоқсан күні құжат қабылдау басталатын әлеуметтік осал топтағы азаматтарға биыл 300 пәтер ғана берілмек. Алайда күні кеше Бейбіт Атамқұлов пандемияға қарамастан жыл соңына дейін 15 миллион шаршы метр үйдің салынып бітетінін жариялаған болатын. Ал әкімдіктегілер мәселе пандемияда деп отыр.
ДӘУЛЕТ КӘРІБЕК, Нұр-сұлтан қаласы Жастар саясаты басқармасының басшысы:
– Биыл енді елімізде орын алған панлемия жалпы әлемдегі пандемия биыл 350 пәтерді табыстау көзделіп отыр. Бұл жобаның негізгі мақсаты - осы жұмыс істеп жатқан жастарға мотивация беру, екіншіден осы жастар 5 жылдың ішінде арендада тұрған кезде өз қаражаттарын жинап пәтер сатып алуға жағдай жасау.
Алайда тек Нұр-Сұлтан бойынша 47 мыңға жуық азамат үй кезегінде тұрған көрінеді. Олардың арасында 10 жылдан астам баспанаға ие бола алмай жүргендер де бар.
Гүлназ Сайлауқызы, Дидар Елеуов
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
