Lajme arkiva 2006
Përgatitja për zgjedhjet e pritshme administrative ka mbetur në udhëkryq. Megjithëse eksperienca për të ndryshuar kodin elektoral është disavjeçare, partitë politike nuk po gjejnë zgjidhje për mënyrën se si do të hartohet lista e votuesve. Prej dy muajsh komisioni qendror ka mbetur i pa plotësuar. Ndërsa më e vështirë duket se është përcaktimi i datës se kur do të mbahen zgjedhjet lokale.
Dy partitë e mëdha edhe pse nuk gëzojnë shumicën në komisionin parlamentar të reformës zgjedhore janë protagonistë të propozimeve që nuk kanë mundur të kthehen në vendime. As për listat, por as për datën e zgjedhjeve qëndrimet nuk rezultojnë të jenë konsensuale.
Ben Blushi: “Mazhoranca ka arritur që tani që flasim t’i shtyjë zgjedhjet, kjo ishte arsyeja që Komisioni i Reformës Zgjedhore u shty për tre muaj nga zonja Topalli dhe shumica. Në rast se komisioni për Reformën Zgjedhore do të kishte filluar punë sipas parashikimit në janar apo në shkurt tashmë të gjitha dispozitat e nevojshme për zgjedhjet administrative do të ishin kryer. Pra do të kishin fuqi.”
Bamir Topi: “Ne kërkojmë që me çdo kusht palët të vendosen në pozicion korrekt, të diskutojnë me një preokupacion të lartë se zgjedhjet po afrojnë, janë shumë afër. Kështu që nuk ka momente të karakterit teknik, janë kryesisht probleme të vullneteve politike. Ne e kemi shprehur vullnetin tonë politik që jemi të gatshëm bile për të dhënë edhe opsione të cilët i kalojnë kufijtë e takimit të Reformës Zgjedhore edhe për çështje që janë kushtetuese.”
Sa për Komisionin Qendror situata mbetet e njëjtë. Shkelja e afateve për zgjedhjen e tre anëtarëve të rinj në Komisionin Qendror ka kapërcyer çdo limit, madje Presidenca, Këshilli i Lartë i Drejtësisë si dhe Kuvendi nuk japin dot afate kohore për zgjedhjen e tre komisionerëve të rinj./tvklan.al
Gazetare: Sonila Agostini
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
