• إشترك بالقناه وفعّل التنبيهات
• ليصلك كل ماهو جديد وحصري


شيلة اطنخ الويلان ‹ ( حصرياً ) | 2021

البجيدي كفو لامنا عنينا

كلمات : نواف هلال
اداء : ماجد الرسلاني
تنفيذ : فنتاستك ‹ مصمم

›‹›‹›‹›‹›‹›‹›‹›‹›‹›‹›‹›‹›‹›‹›‹›‹›‹›‹›‹›‹›‹›‹›‹

لمتابعة حساباتي على التواصل الاجتماعي :

سناب شات :
[ Ссылка ]

انستقرام :
[ Ссылка ]

تيليجرام :
[ Ссылка ]
.
.

أبيات الشيله :

شل ياصوت عنزه والصوت عالي
القصيد الي يوصل للعلالي
اطنخ الويلان في روس المعالي
حطها بيرق وفا في راس قمّه

لاجل مشعل عايد سمير مشينا
البجيدي كفو لامنا عنينا
وايلي(ن) والوفا منا وفينا
مالقيت الي من العالم يذمّه

يوم عرسه للفرح صوله وجوله
باركوا ليلة زواجه واهتفوله
كل منا للفرح نوخ ذلوله
جالين بين البشر همه وغمّه

يفتخر في مشعل الصنديد عايد
وعايد سمير حزامٍ للشدايد
يرتكي للحمل يوم الحمل كايد
دون ربعه فايرن بالطيب دمّه

عايد يعرفونه عيال الحمايل
حافظٍ سلم النشامى بالقبايل
رافع(ن) راسه وروس عيال وايل
لانخاه الي نخا لاطاح زمّه

ومشعل بطيبه سلك درب الشهامه
من رجال(ن) كلها عز وكرامه
البجايده صيتهم عالي مقامه
الفخر فيهم لقى علمه متمه

البجايده صوب علم المجد شدّو
عن حدود الطيب مايومٍ تعدّو
البجايده بالمواقف ماتردّو
قرمهم سود الليالي ماتهمه

البجيدي حي فاله لاتعزوا
يطنخ الهقوات لامنه تهقوا
ضيفهم من دلة الهيبه تقهوى
وخصمهم صارت حياته مدلهمّه

عنزه فيهم على العالم تباهت
في رجال(ن) عن وفاها ماتناهت
عزوت(ن) ماهي عن الطالات تاهت
حرّهم يتعب على الطيب ويضمّه

عنزه كفو التحدي لاتحدت
في نطاق المرجله ولا تعدت
خصمهم من وقعهم ضاع وتشتت
تبطي ضروف الليالي ماتلمّه

عنزه بالفعل وسيوف صقيله
عاندوا كل الظروف المستحيله
الحمول تشيلها لو هي ثقيله
كل منهم يفتخر خاله وعمه

جَمعة رجال(ن) بهم وقت يتشرف
وكل عارف بالليالي لايُعرّف
والكلام الي ثبت صعب يتحرّف
يلحق الذمه لمنهو فيه ذمه

حضّروا في يوم عرسك يالبجيدي
ياعضيد الي ينادي ياعضيدي
موقفٍ يستاهل اكتب له جديدي
كن وقتي قامت الفرحه تعمّه

في فرح مشعل كتبت من المعاني
علمٍ يشرف عيون الي دعاني
ولو كتبت الشعر كله ماكفاني
دون راس اللي سكن في راس قمّه

свернуть