Қаржы сауаттылығы бойынша ІV шығарылым

Бірінші кредиттік бюроның мәліметінше, өткен жылы халыққа шамамен 120 млрд теңге қарыз берілген.

Қазір шұғыл ақша қажет болса, мәселе оп-оңай шешіледі. Себебі онлайн-несие бар. 21 жастан асқан адамдарға несиені оңды-солды үлестіретін қызметтің бұл түрі клиенттен жеке басты куәландыратын құжат қана талап етеді.

Жұмыс орнынан табыс жөнінде анықтама, зейнетақы жарнасын аударатыныңызды растайтын құжат, несие тарихы қажет емес. 15 минуттың ішінде қалтаңызды қампайтып, әмияныңызды толтырып аласыз. Бәленің бәрі қарызды қайтарған кезде басталады.

Мысалға, несие төлеуге ақша таппай, онлайн-сервистен 49 мың теңге алуға болады. Сөйтіп қарыз үстіне қарыз жамайсыз. Онлайн-несиені 72 мың теңге етіп қайтару керексіз. Алайда көрсетілген соманы дер кезінде тауып бере алмай, 3 айдың ішінде қарызыңыз 142 мың теңгеге өсіп кетеді. Өйткені қарызды кешіктірген әр күнге өсімпұл қосылып отырады.

Айта кетейік, Қазақстанда ең алғашқы онлайн-несие 2014 жылы рәсімделген. Бүгінде елімізде 2 мыңдай компания онлайн-несие берумен айналысады. Былтыр онлайн-несиеге қатысты 1 миллионға жуық келісімшарт жасалған. Жалпы саны 248 мың клиент онлайн-несие алған. Бұлардың 76-сы ғана құқықтарының бұзылғанын айтып, тұтынушылар құқығын қорғау қызметіне шағымданды.

Өкінішке қарай, жеке мәліметтердің Интернетте тарап кетуін тоқтату мүмкін емес. Себебі бір жеке куәліктің өзі түрлі-түрлі базада сақтаулы тұр. Ал алаяқтарға олардың скандарын алу қиынға соқпайды. Олар көбіне несиелерді онлайн рәсімдейді. Онлайн қарыз беретін микроқаржы ұйымдары соңғы кездері қарыз алушыдан суретке түсуді талап етпейді. Кей жағдайда сол ұйым қызметкерінің алаяқтыққа қатысы бар болып шығады. Сондықтан да интернет алаяқтар борышкердің қолын өтірік қойып, несиеге алған ақшаны өз шоттарына аударып алады.

Алаяқтар жиі қолданатын тағы бір әдіс - дисконт картасын ашамыз деген ұсыныспен ол адамның атынан несие алу.

"Алаяқтықтың бұл түрі де бүгінде кеңінен таралған. Әсіресе, ойын-сауық орталықтарында, адам көп жүретін жерлерде белгісіз біреулер немесе өзін промоутер ретінде таныстыратындар қандай да бір дүкеннің дисконт картасын тегін ашып береміз деп, анкетаны толтыртқызып, ол адамға қатысты барлық мәліметті алып алады.

Онда тұтыншуының аты-жөні, мекенжайы, тіпті паспортына қатысты мәліметтер толтырылуы керек болады. Содан клиент дисконт картасын алдып деп сеніп қалып, негізінде оның атынан көп болмаса, бірнеше мың теңгеге несие алынғанын білмей қалып жатады.

Амалсыздан, Онлайн-несие алғанда қаперде ұстайтын қосымша бірнеше ақыл-кеңесті ұсынамыз. Ең алдымен [ Ссылка ] сайтына кіріп, сіз несие алатын компания kazfintech қауымдастығына кіре ме, жоқ па, соны тексеріп алыңыз.

Компанияның сайты, кеңсесі, барлық сұрақтарға жан-жақты жауап беретін қолдау қызметі бар ма, оны да анықтаңыз. Жеке куәлігіңізді бөтен адамдарға бермеңіз, кей терминалдар несие бергенде адамның түріне мән бермей, тек құжат бойынша рәсімдей береді. Өзі несие алмаса да, сондай алаяқтарға тап болған талай адам тұтынушылар құқығын қорғау қызметіне жүгініп, әуре-сарсаңға салынып жүр.

#онлайннесие #ҚалиӘубәкіров #қаржысауаттылық

свернуть