RAMİZ QUSARÇAYLI

AĞLA, BƏNÖVŞƏM , AĞLA...

Üstünə gün düşüncə
Çıxıb getdin yazımdan.
Səndən sonra dünyada
Toyumda bir,yasım da,
Ağla,bənövşəm,ağla.

Başım yüz daşa dəydi,
Bir gün ömür sürüncə,
Gözlərim kor olaydı
Səni ağalar görüncə,
Ağla,bənövşəm,ağla.

Səni dərib üzməmiş
Əlimi üzdüm,neynim.
Səndən küsmək günahdı
Özümdən küsdüm,neynim,
Ağla,bənövşəm,ağla.

Boğuldum göz yaşından
Silə bilmədim,ağla.
Ölməyim məsləhətmiş
Ölə bilmədim,ağla,
Ağla,bənövşəm,ağla..

свернуть