Lulzim Basha ka folur për mediat pas përfundimit të mbledhjes së grupit parlamentar të PD. Basha njohu gazetarët me 3 vendime që ishin miratuar gjatë këtij takimi. Bëhet fjalë për depozitimin në Kuvend të 3 ndryshimeve kushtetuese për disa çështje të ndryshme. Së pari, Basha njoftoi se do të kërkohet zhbërja e ndryshimeve kushtetuese më 30 Korrik dhe do të kërkohet miratimi i Komisionit për Reformën Zgjedhore. Po ashtu, ai paralajmëroi një amendament për Vettingun e politikanëve dhe ndryshimi i tretë sipas Bashës ka të bëjë me hapjen e rrugës për Reformën Territoriale.
“Grupi parlamentar i PD ka miratuar sot vendimin për të depozituar brenda kësaj jave në parlament amendamentet kushtetuese për zhbërjen të njëanshme të Kushtetutës të 30 Korrikut dhe miratimin e Komisionit të Reformës Zgjedhore, amendamentin kushtetues për Vettingun e politikanëve në përputhje me opinionin e Komisionit të Venecias të fundvitit të vitit 2018, ku në përputhje siç ka konstatuar KV, qëllimi i Vettingut të politikanëve për lidhjet e tyre me krimin e organizuar, për pasurinë e tyre, të familjarëve të tyre apo ortakëve të tyre, të hapura apo të fshehura brenda apo jashtë Shqipërisë, në parajsa fiskale apo banka offshore, është një qëllim legjitim dhe respektojmë po kështu kërkesën për proporcionalitet që është pjesa e dytë e rekomandimeve të Venecias duke kërkuar në këtë amendament kushtetues, Venecia thotë që këtë proces ta kryejë një njësi e posaçme e Strukturës së Posaçme Antikorrupsion që të marrë përsipër evidentimin një për një të çdo deputeti, kryetari bashkie, ministri, kryeministri, kreut të shtetit, krerëve të institucioneve kushtetuese dhe të pavarura në raport me lidhjen e me krimin e organizuar dhe pasurinë e tyre. Amendamenti i tretë ka të bëjë me hapjen rrugë të Reformës Territoriale”.
Sa i përket Vettingut të politikanëve Basha tha se është i bazuar tek rekomandimet e Komisionit e Venecias. Po ashtu, ai shtoi se kjo është e domosdoshme për Shqipërinë.
“Është pikërisht Komisioni i Venecias ai që ka shtruar rrugën dhe ka bërë të qartë se në cilën rrugë duhet ecur. Shqipëria e ka të domosdoshme Vettingun e politikanëve”.
Por a do të përfshihen në Vettingun e politikanëve personat “non grata”?
“Do të shikoni nga amendamentet se Vettingu i politikaneve ka të bëjë me një dëshirë mbarëpopullore nga socialistë dhe demokratë, nga njerëz të thjeshtë të këtij vendi që të kemi një politikë pa lidhje me krimin”, u përgjigj Basha.
Kryetari i PD-së mohoi që të ketë pazare me mazhorancën për këto ndryshime kushtetuese.
“Ne e kemi thënë, unë e kam thënë dhe e përsëris. Jem në atë Kuvend edhe pas masakrës menjë qëllim, që të rikthejmë vendin në shinat e demokracisë dhe legjitimitetit. Ndryshimet iu shërbejnë shqiptarëve. Janë për Shqipërinë dhe shqiptarët jo për PD. Nuk bëjmë pazar dhe s’futemi për pazar. Këto janë çështje të rëndësishme për shqiptarët”, tha Basha./tvklan.al
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
