ABŞ-ın “Sikorsky” və “Lockheed Martin” şirkətləri, həmçinin Pentaqonun Müdafiə Sahəsində Perspektivli Tədqiqat Layihələri Agentliyi (DARPA) “Black Hawk” pilotsuz helikopterini xilasetmə əməliyyatlarında və yüklərin daşınmasında sınaqdan keçiriblər.
Oktyabr ayında Arizona ştatında baş tutan sınaqlarda pilotuz vertolyot avtonom şəkildə 80 mil, yəni təxminən 129 kilometr uçaraq, tələb olunan yerə tibbi ləvazimatlar və qan ehtiyatları çatdırıb.
Vertoloyot radarlara düşməmək üçün çox aşağı yüksəklikdə - 200 fut, yəni təxminən 60 metr hündürlükdə uçub.
Sınaqlar zamanı həmçinin yaralıların pilotsuz vertolyotla xəstəxanaya aparılması əməliyyatı simulyasiya edilib.
Qeyd edək ki, vertolyot “Sykorski” aviasiya şirkətinin “Matrix” adlanan əməliyyat sistemilə idarə olunur.
