Көк аспанға әуелеп барып, жердегі жемтігіне құлдилаған қыран құстың аңға түскен сәтін көргісі келген көпшілік осы демалыста Алматы облысының Еңбекшіқазақ ауданын бетке алды. "Сонар-2015" деп аталатын құсбегілер байқауы биыл жиырма жетінші рет ұйымдастырылуда. 9 облыстан жиналған саятшылардың бабы келіскен қыран құстары аңға түсіп жатқанда, кейбір бүркіттер адамға да түсіп, жедел жәрдем шақыртылды.
