Бұл Астанадағы нөмірі 71 мектепте болған жағдай. Білім ұясына сыймаған оқушылар бір-бірін итеріп, таптай жаздаған. Сөйтсе, бір жарым мың бала оқуы тиіс мектепте биыл бес мыңнан артық оқушы қыстырылып-қымтырылып үш ауысыммен оқуға мәжбүр болған.
Әлеуметтік желіге тараған видеода жүздеген баланың мектеп дәлізіне жиналып қалғаны байқалады. Оқушылар бір-бірін итеріп, тіпті кейбірі көмек шақырғаны естіледі. Бірақ мектеп басшылығы бұл жағдай үшінші ауысымда оқитын оқушылардың алтыншы сабақтан кейін бір уақытта дәлізге шыққандығынан болды дейді. Айтуларынша, кезекші олардың сырт киімін беріп үлгермеген. Дегенмен, қалалық білім басқармасы бұл жағдайға мектеп тапшылығы себеп болғанын мойындап отыр. Бүгінде елордадада сегіз білім ошағында балалар үш ауысыммен оқып жатыр екен. Ал 18 мектепте бала саны шектен тыс асып, сыныптарда ине шаншар жер жоқ деген басқарма өкілдері енді "Жайлы мектеп" жобасына үміт артып отыр.
МАРЖАН БАҚЫТ, Астана қаласы білім басқармасының баспасөз хатшысы:
– Жайлы мектеп" ұлттық жобасы аясында 24 мектеп салынып жатыр. Ол 90 мың оқушы орнына арналған. Ол мектептер 24-25 жылдары бітіп пайдалануға беріледі. Барлық үш ауысымды және бала саны шамадан тыс мектептердің мәселесі "Жайлы мектеп" ұлттық жобасы аясында салынған мектептер арқылы 24-25 жылдары шешіледі.
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
