Қостанай облысы - еліміздегі индустриалды-аграрлы аймақтардың бірі.
Экономиканың салалық құрылымы бойынша ауыл шаруашылығының үлесі 22-24% болса, өнеркәсіптікі 28-30%шамасында. Әр тұрғынға шаққанда, аймақтық жалпы өнім көлемі 2013 жылы 10%-ға өскен. Биыл бұл көрсеткішті тағы 6%-ға көтеру көзделіп отыр. Халық алдында есеп беру жиынында Қостанай облысының әкімі Нұралы Сәдуақасов осындай мәліметтерді келтіре келе, әр салаға жеке тоқталды. Индустрияландыру картасы бойынша былтыр 58 кәсіпорын іске қосылған. Соның басым бөлігі бүгінде толық қуатында жұмыс істеуде. Ауа-райының қолайсыздығына қарамастан, Тобыл өңірінің диқандары өткен жылы жақсы өнім алды. Гектарынан 11,5 центнерден орылып, 5 млн. тоннадан астам астық жиналды. Бұл республикалық жалпы көлемнің төрттен бірі. Мал басы да артқан. Соңғы үш жылда алыс, жақын шетелдерден облысқа 12 мыңға жуық ірі қара әкелінген. Алайда төрт түлікті көбейтуге ден қойғандар аз. Өңірде мал шаруашылығын дамытуға бөлінген 4 млн. гектар жайылымның жартысынан астамы бос жатыр. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]
