Жемқорлық – індет, күресу – міндет. Бұл – тек жемқорлыққа қарсы күрес агенттігінің ғана емес, барша қазақстандықтарға ортақ іс.
Ал спорт және дене шынықтыру істері комитетінің мамандары: «Сыбайлас жемқорлыққа қарсы мәдениетті қалыптастырамыз», – дейді. Осыған орай, бүгін арнайы семинар-кеңес өткізді.
Жиынға тек спортшылар ғана емес, «Нұр Отан» партиясының мүшелері мен жемқорлыққа қарсы іс-қимыл Ұлттық бюросының мамандары қатысты.
Күн тәртібінде әріптестер арасындағы «бармақ басты, көз қыстылық» пен пара бермеудің және алмаудың жолдары талқыланды.
Елсияр Қанағатов, ҚР Мәдениет және спорт министрлігі, спорт және дене шынықтыру істері комитетінің төрағасы:
– Осы қазан айының аяғында біздің министрлік «Нұр Отан» партиясында ашылған кеңесте біздің осы іс-шараларымыз қаралған. Сонда көптеген кемшіліктер туралы айтылды. Соны жеңу үшін біз бәріміз жиналып, осы семинар кеңесті өткізіп жатырмыз.
