Ըստ Վահան Հովհաննիսյանի քանի որ "Պետական կենսաթոշակների մասին" օրենքը հաստատելու պարագայում արմատապես կփոխվի երկրի ներքին կյանքը, ապա այս հարցը անհրաժեշտ է դնել ՀԱՆՐԱՔՎԵԻ, այլ ոչ թե հաստատել ԱԺ-ի կողմից, սակայն այս օրենքի կիրառումը միտումնավոր հետաձգվում է մինչև 2014 թվականը, որպեսզի այն չազդի 2012 և 2013 թվականների ընտրությունների արդյունքների վրա: Ըստ կանխատեսումների այս օրենքը շրջանառության մեջ մտնելուց հետո 2030 թվականին կտա դրական արդյունքներ, սակայն փորձը ցույց է տալիս, որ Կառավարության նույնիսկ կարճաժամկետ կանխատեսումները չեն արդարանում, հետևաբար այս գործընթացը կարող է լիովին ձախողվել, իսկ մեղավորներ կմնան անպատիժ: Վահան Հովհաննիսյանը առաջարկում է հանել օրենքի նախագծի մեջ ամրագրված ֆոնդերին պարտադիր մասնակցության պայմանը և միայն գործադրել կամավորության սկզբունքով և դնել ՀԱՆՐԱՔՎԵԻ:
