د جلال اباد په بېلابیلو واټونو او ناحیو کې یو شمېر پخواني سړکونه تخریب شوي، چې د موټرو او نورو نقیله وسایطو لروونکي پرې د تګ ـ راتګ پر مهال له زیاتو ستونزو سره لاس و ګریوان دي.
دوی وایي، پدې سړکونو د بارانونو پر مهال تګ راتګ تر ټولو سخت وي او ان ځینې وخت خو یې وسایطو ته مالي زیان هم ور اوړي.
ښاریان وایي، په بېلابیلو برخو کې ښاروالۍ ته ټکس ورکوي؛ خو په ښاروالۍ نیوکه کوي، چې له تېرو څو کالو راهیسې له دې ستونزې سره مخ دي؛ خو پام ورته نه کېږي.
