Azərbaycan və Türkiyə prezidentləri mətbuata bəyanatlarla çıxış ediblər.
#Azərbaycan #Türkiyə #Prezident #Xeber
Prezident İlham Əliyev: “Azərbaycan Türkiyənin haqq işini daim dəstəkləyir”
Dövlət başçısı: “Amalımız Türkiyə və Azərbaycanı gücləndirməkdir”
Dövlət başçısı deyib ki, təhsil, təlim məsələləri də müzakirə olunub: “Yəni gündəlik kifayət qədər geniş olub. Hər bir məsələ ilə bağlı heç bir fikir ayrılığı yoxdur. Əksinə, fikrimiz, niyyətimiz, amalımız birdir, Türkiyə və Azərbaycanı gücləndirməkdir. Fürsətdən istifadə edərək hörmətli Prezident, əziz qardaşım Rəcəb Tayyib Ərdoğanın Türkiyə qarşısında göstərdiyi xidmətlərdən bəhs etmək istərdim. Onun yorulmaz fəaliyyəti nəticəsində Türkiyə dünya miqyasında güc mərkəzidir. Nəinki yerləşdiyi bölgədə, dünyada Türkiyənin iştirakı olmadan heç bir məsələ həllini tapa bilmir. Yaxın tarix bunu göstərdi. Biz buna çox sevinirik. Çünki Türkiyənin gücü bizim gücümüzü artırır. Gücümüzün birləşdirilməsi bizi daha da güclü edir. Əminəm ki, bundan sonra biz hər zaman bir-birimizin yanında olacağıq, bir-birimizin uğurlarına sevinəcəyik. Ağır günlərdə, Allah etməsin, bir-birimizin yanında olacağıq. Sizə və qardaş Türkiyə xalqına daim rifah, xoşbəxtlik arzulayıram”.
Prezident İlham Əliyev: “Azərbaycan Türkiyədən müasir silahlar almağa davam edəcək”
Azərbaycan Prezidenti: “Qars-Naxçıvan dəmir yolunun tikintisinə dair Anlaşma Memorandumunun imzalanması xüsusilə əhəmiyyətlidir”
Bakıda Azərbaycan-Türkiyə Yüksək Səviyyəli Strateji Əməkdaşlıq Şurasının VIII iclasından sonra mətbuata bəyanatında Azərbaycan Prezidenti İlham Əliyev bildirib.
Dövlət başçısı bu gün imzalanmış sənədlərin, o cümlədən tərcihli ticarət anlaşmasının ticarət dövriyyəsinin artırılmasına böyük təkan verəcəyinə əminliyini ifadə edib.
Prezident İlham Əliyev qeyd edib ki, Azərbaycanda hazırda 4 minə yaxın Türkiyə şirkəti fəaliyyət göstərir: “300-dən çox layihədə Türkiyə şirkətləri 16 milyard dollar həcmində iş görüblər. Bu parametrlərə görə Türkiyə birinci yerdədir. Qarşılıqlı sərmayə qoyuluşu da çox yüksək səviyyədədir. Bu günə qədər Azərbaycan Türkiyə iqtisadiyyatına 18 milyard, Türkiyə Azərbaycan iqtisadiyyatına 12,5 milyard dollar sərmayə qoyub. Bu böyük ölçüdə sərmayə qoyuluşu bir daha bizim qardaşlığımızı təsdiqləyir. Çünki ancaq qardaş ölkəyə bu qədər vəsait, bu qədər yatırım qoyula bilər”.
Dövlət başçısı nəzərə çatdırıb ki, bu gün gələcək işbirliyi barədə geniş fikir mübadiləsi aparılıb: “Keçən ilin noyabr ayında Türkiyədə TANAP-ın tam başa çatmasını birlikdə qeyd etmişik. TANAP Cənub Qaz Dəhlizinin əsas hissəsidir. Əminəm ki, bu ilin sonuna qədər Cənub Qaz Dəhlizi tam istismara veriləcək. Çünki Cənub Qaz Dəhlizinin son layihəsi TAP-ın icrası 92 faizə çatıb. Enerji ilə bağlı digər məsələ də müzakirə edildi”.
Prezident İlham Əliyev vurğulayıb ki, nəqliyyat sahəsində də böyük nailiyyətlər var: “Birlikdə həyata keçirdiyimiz Bakı-Tbilisi-Qars dəmir yolu layihəsi uğurla fəaliyyət göstərir. Bu dəmir yolunun gələcək fəaliyyəti barədə bu gün danışıldı. Bir önəmli sənəd də imzalandı. O da Qars-Naxçıvan dəmir yolunun tikintisinə dair Anlaşma Memorandumudur. Bu, xüsusi əhəmiyyət daşıyan məsələdir. Çünki Ermənistanın işğalçı siyasətinə görə Naxçıvan uzun illərdir, demək olar ki, blokada, mühasirə şəraitində yaşayır. Naxçıvanda istehsal edilən məhsulların xarici bazarlara çıxarılması böyük problemdir. Qars-İğdır-Naxçıvan dəmir yolunun tikintisi bu problemi aradan qaldıracaq. Beləliklə, Azərbaycanla Türkiyə arasında yeganə quru sərhədi olan Naxçıvan Muxtar Respublikasının inkişafı, rifah halı daha da yaxşılaşacaq. Bu anlaşmaya görə minnətdaram. Eyni zamanda Naxçıvanın gələcək uğurlu inkişafı barədə də fikir mübadiləsi aparıldı. 3 il əvvəl Naxçıvandan Türkiyəyə ixrac edilə biləcək malların siyahısı da tutulub. Buna görə də minnətdarıq. Əminəm ki, gələcəkdə Naxçıvandan Türkiyəyə ixrac əməliyyatlarının sayı artacaq”.
Ərdoğan: “Azərbaycanla həmrəyliyimiz terrorla mübarizədə də davam edir”
Ərdoğan: “Türkiyə və Azərbaycan arasında siyasi həmrəylik ən yüksək səviyyədədir”
Ərdoğan: Qardaşım Prezident İlham Əliyevin “Qarabağ Azərbaycandır” fikrini eyni ilə təkrar etmək istəyirəm
Türkiyə Prezidenti: “Naxçıvan və Türkiyə arasında dəmir yolunun çəkilməsi önəmlidir”
Türkiyə Prezidenti bildirib ki, 20 il əvvəlki Azərbaycanla bu günkü Azərbaycanın arasında böyük fərq var: “Bu gün tamamilə başqa bir Azərbaycan göz önündədir. Bu gün inkişaf edən bir Azərbaycan var. Enerjidən kənar sahələrinin 3 faiz böyüməsi, bu sahədə ixracın 14 faiz artması təsadüfi deyil. Azərbaycanın bu sahədə inkişafı davam etdirəcəyinə inanıram”.
R. T. Ərdoğan qeyd edib ki, bu gün Türkiyə və Azərbaycan arasında 14 sənəd imzalanıb: “Bunlardan ən önəmlisi tərcihli (preferensial) ticarətdir. Xüsusən Naxçıvan və Türkiyə arasında dəmir yolunun çəkilməsi önəmlidir. İğdırdan Naxçıvana qədər qaz kəməri çəkiləcək.160 kilometrlik qaz xəttinin çəkilişi ilə Naxçıvanın qaz təminatı yüksək səviyyədə təmin olunacaq. Bu layihələr sürətlə həyata keçiriləcək”.
