Zjarret në Kosovë vijonë të përhapen në zona të ndryshme, ndërsa situata më serioze është në Bjeshkët e Rugovës.
Përmes një njoftimi për media, ministria e Punëve të Brendshme, u shpreh se prej 7 ditësh Kosova po përballet me situatën e rrezikshme të krijuar nga zjarret, të cilat janë ndezur për shkak të temperaturave shumë të larta. Aktualisht, zona më e rrezikuar nga flakët është Parku Kombëtar Bjeshkët e Nemuna.
“Në këtë incident janë të angazhuara me kapacitete të plota të gjitha Institucionet përgjegjëse, të cilat po koordinohen nga Qendra Operative e MPB-së. Në shuarjen e zjarreve janë të angazhuara: Ekipet e Zjarrfikësve, Policia e Kosovës, pjesëtarët e FSK-së, Autoritetet e Parkut dhe Ndërmarrjet Publike. Po ashtu për ndihmë në shuarjen e zjarreve nga ajri është angazhuar edhe KFOR-i”, thuhet në njoftim.
Xhelal Sveçla, ministri I Punëve të Brendshme ka vizituar disa nga vatrat e zjarrit, për të parë nga afër ndihmat që po ofrohen në terren si dhe për të ofruar mbështetje për forcat të cilat po merren me luftimin e zjarrit prej disa ditësh.
“Si rezultat i përkushtimit të drejtpërdrejtë në menaxhimin sa më të mirë të situatës së zjarreve në terren edhe anëtarët e kabinetit të MPB-së, kanë vizituar disa vatra zjarri si ato në Shtupeq, Mushtisht, Sallagrazhdë, si dhe në disa lokacione të tjera”, ka thënë ai përmes komunikatës.
Ministria e Punëve të Brendshme u bëri apel qytetarëve të Kosovës që të kenë kujdes që të mos jenë shkaktarë të ndezjeve të zjarreve.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Kosova#Bjeshkët#TopChannel

свернуть