Vetëm gjatë tre muajve të parë të vitit autoritetet e migracionit në Durrës kanë lëshuar 312 leje qëndrimi për motive pune, ndërsa po trajtojnë kërkesa të tjera.

“Durrësi prej dy vitesh po vuan mungesën e fuqisë punëtore. Shumë hotele dhe subjekte kanë probleme gjatë sezonit të plotësojnë kërkesat e duhura për punonjës dhe shumë hotele kanë nisur të marrin dhe staf nga shtete si Turqia, Filipinet dhe Maqedonia“, Blerim Norja, menaxher turizmi.

“Përveç pagës, ka dhe kosto dokumentacioni e rruge që shkojnë 600-1000 euro për person, plus u ofrohet dhe akomodim e ushqim. Pra çdo biznes ka një kosto 20-30% më të lartë se një punëtor vendas.

-Po standarde më të mira shërbimi kush ofron?

-Standardet deri tani kanë qenë më të mira nga punonjësit e huaj, kjo ndoshta dhe nga kultura që kanë në turizëm, po ne preferojmë punonjësit vendas.”

Në mungesë të fuqisë punëtore, që vijon të largohet nga vendi apo të shfaqet e painteresuar, operatorët turistikë janë detyruar t’i drejtohen tregjeve të huaja të punës.

Edhe pse zyrtarisht sezoni turistik çelet në maj, turistët e huaj i ndesh kudo në qytet dhe bregdet.

“Është kaq këndshëm këtu. Vijmë nga Suedia për të luajtur bridge dhe njohur e shijuar vendin. Është hera ime e dytë dhe u ktheva me shumë të tjerë. Njerëz miqësorë, edhe në hotel. Vendi shumë i bukur, ushqimi fantastik dhe këto objekte antike që na mësojmë se ka shumë histori ky vend”, tha turistja.

“Është hera ime e parë në Shqipëri. Bukur, po më duket vend i varfër. Gjithsesi është dita e parë dhe nuk kam parë ende shumë gjëra”, tha turistja.

Me shtimin e turistëve, rritet edhe nevoja për shërbime të kualifikuara, të cilat së bashku me infrastrukturën mbeten elementët më të rëndësishëm për një zhvillim të qëndrueshëm të turizmit në vend.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Durres#Punetoret#TopChannelNews

свернуть