Asekose.am-Գյումրիի Սև Բերդում. Հայաստանի անկախության տոնակատարությունների շրջանակներում անցկացվել է «Մեր ժամանակի հերոսը» ՀՀ վարչապետի մրցանակաբաշխությունը։ Մեր ժամանակների հերոսների դերում ՀՀ հասարակ քաղաքացիներ են, ովքեր քաջություն են ունեցել սեփական նախաձեռնությամբ փոխելու իրենց ու շրջապատի մարդկանց կյանքը։ Վարչապետի կողմից բարձր գնահատականի արժանանալով` նրանք պետք է նաև օրինակ լինեն մյուսների համար։
Վարչապետի սահմանած մրցանակը խորհրդանշական գրություն ունի. «Այդ մեկ մարդը դու ես»։ Իսկ մրցանակը հայելապատ է, այն խորհրդով, որ դրանում յուրաքանչյուրը կարողանա տեսնել իրեն ու փորձել դառնալ մեր ժամանակի հերոսներից մեկը։
Գյումրիի Սև բերդում անցկացվող միջոցառման ընթացքում մրցանակներն օրվա հերոսներին հանձնեցին Հայաստանի ճանաչված գործիչները։
#asekose #nikolpashinyan #gyumri
