I fshehur në bunker, jo vetëm për t’u mbrojtur bombave ruse, por edhe për t’i shpëtuar përpjekjeve të posaçme të mercenarëve të Putinit për ta vrarë, presidenti ukrainas Volodimir Zelensky u shfaq përpara europarlamentarëve përmes një videokonference, gjatë seancës së jashtëzakonshme të zhvilluar këtë të hënë për luftën në Ukrainë. Presidenti pro-perëndimor kërkoi nga Bashkimi Europian “jo vetëm fjalë”.
“Tregojeni me fakte që jeni me ne. Tregojeni me fakte se nuk do të na lini në baltë. Tregojeni me fakte se jeni europianë me të vërtetë, e më pas jeta do të fitojë mbi vdekjen, drita do të fitojë mbi errësirën. Rroftë Ukraina”, tha ai.
Gjatë fjalimit të tij, Zelensky u përlot teksa përshkruante vuajtjet që po përjetojnë banorët e Kievit, Kharkivit e të tjera qyteteve ukrainase, ku vetëm gjatë kësaj të Marte ka pasur një numër të lartë viktimash.
Bashkimi Europian për të parën herë që prej themelit vendosi të dërgojë armë në një zonë konflikti, në Ukrainë. Për të mbështetur këtë vend bllokoi mediat e Moskës dhe hapësirën ajrore për avionët që vijnë dhe shkojnë në Rusi.
Por presidenti i Këshillit Europian Sharl Mishel e konsideron çështje delikate kërkesën e Zelenskit për ta antarësuar Ukrainën me procedura të shpejta”.
“Anëtarësimi është një aspiratë e hershme e Ukrainës, por brenda unionit kemi opinione të ndryshme dhe shumë të ndjeshme për zgjerimin. Komisioni Europian do të pranojë zyrtarisht kërkesën, ndërsa pas konsultimeve i takon Këshillit të vendosë”.
Eurodeputetët miratuan me 637 vota pro, 13 kundër dhe 26 abstenim një rezolutë ku dënohet sulmi rus në Ukrainë dhe kërkohet dhënia e statusit kandidat për anëtarësim në union të Ukrainës.
Në draft shprehet keqardhja për Serbinë që nuk iu bashkua vendeve të BE-së me sanksione ndaj Moskës dhe falenderohen vendet e tjera të rajonit që e ndërmorën këtë hap.
Tv Klan
#ukraine #luftaneukraine #rusi #sulmetneukraine #valdimirputin #zelensky
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
