Алматы облысында Талғар қаласының дәрігерлері наразылыққа шықты. Жарақат бөлімінің 60-қа жуық қызметкері, басшылық бүкіл бір бөлімді Панфилов ауылына көшірмекші дейді. Медицина мамандары қаладан 23 шақырым жерде орналасқан елдімекенге барғылары жоқ. Оның үстіне айлығымыз төмендеп барады деген олар, аурухана бастығы ауыспасаңдар жұмыстан шығыңдар деп қорқытқанын айтады. Ал, бас дәрігер болса, журналистерге мамандарды ауыстыру тек талқыланып жатқан мәселе деп ақталды.
Жарақат бөлімінің 60-қа жуық маманы бір ауыздан Панфилов ауылына көшуге қарсы. Талғар ауданындағы жалғыз бөлімді одан сайын алыстатудың себебін түсінбейміз дейді. Күніне аяғы сынып, қолы шыққан 10-нан аса адам қабылдаймыз деген дәрігерлер, шағын ауылдан қарағанда, 200 мыңнан көп тұрғыны бар Талғарға травматология бөлімінің болуы маңызды екенін айтады.
ЕРЛАН ДЕМЕУОВ, Жарақат бөлімінің меңгерушісі:
Табак совхозға ауысатын болса, бізде проблема болады. Ол жерде гинеколог жоқ мысалы. Педиатор жоқ. Кішкентай балалар түссе педиатор болмаса, гинеколог болмаса. Не істейміз біз? Ертең адам қайтыс болып кетсе кім жауап береді оған? Глав врач жауап бере ма? Бізді соттайды ғой сразу.
Айгерім Қалибек, Жарақат бөлімінің медбикесі:
– Біз бұны бір ай бұрын естіген болатынбыз. Былай сыбыс ретінде айтылған еді. Ал, бірақ нақты шешімді кеше естідік.
Жарақат бөлімінің Панфилов ауылына ауысатынын нақты кеше естіп, бүгін наразылыққа шыққан мамандардың сөзін бас дәрігер жоққа шығарды.
ХАСЕН ДАСИБЕКОВ, Талғар аудандың орталық ауруханасының бас дәрігері:
– Неге бізде ой болды травматология бөлімін сол жаққа ауыстыруға?! Өздеріңіз білесіздер ең үлкен жол Құлжа трассасы республиканского значения трасса. Көп авария, көп травма сол жерде болады. Сондай ой біздерде болды. Бірақ ол ешқандай приказ шыққан жоқ чтобы ойбай ертең көшіңдер, үйтіңдер-бүйтіңдер деген әңгіме болған жоқ.
Наразылыққа шыққан дәрігерлер айлықтарының да мардымсыз екенін айтты. Санитар мамандар 70 мың теңге алса, дәрігерлердің жалақысы 120 мың теңге көлемінде екен. Ауруханаға заманауи құрылғылар алып жатырмыз деген, сенімгерлік басқару компаниясының басшысы мәселені май шаммен қарауға уәде берді. Ішкі тексеріс жүргізіп, ақ халаттылардың арыз-шағымымен жұмыс істейміз деді.
Өмір Серікбекұлы, Влад Шишко
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#дәрігерлер_наразы #Талғар #аурухана #айлық #күнкөріс
