#oranews

Jo vetëm nuk ka ulje por dhunuesit vijojnë të jenë rrezik edhe pasi dalin nga institucionet e vuajtjes së dënimit.

Kjo është situata që paraqitet në gjykata me të dënuarit për dhunën në familje, ku gjatë këtij viti krahasuar me një vit më parë janë katërfishuar rastet e të akuzuarve për këtë vepër dhe me sa duket ashpërsimi i ligjit, nuk e ka ulur aspak fenomenin.

Avokati Alban Duro thotë për RTV Ora se thuajse çdo dite i bie të përfaqësojë persona që akuzohen për dhunë në familje, por fenomeni i ri është se shumica e tyre janë përsëritës të kësaj vepre.

Duro thotë se duhen më shumë politika sociale për të zbutur fenomenin, ndërsa nuk është zgjidhje ashpërsimi i dënimit.

Avokati apelon që për dhunuesit dhe për viktimat duhet të ketë qendra rehabilitimi, që ndonëse në ligj janë parashikuar nuk janë ngritur ende.

Dhuna më e zakontë vijon të jetë mes bashkëshortëve, por ka edhe forma të tjera të prindërve ndaj fëmijëve ose e anasjelltas.

Ndërsa sa i takon urdhrave të mbrojtjes duket se edhe kjo masë është pa rezultat pasi shumica e viktimave të dhunës në familje kanë qenë të pajisura me urdhra mbrojtje.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть